Jobakʼ 39:11 - সান্তালী বাইবেল

¹¹ Uniyakʼ asambheṛ daṛe iạte uni cetanrem bhorsakʼa? Amakʼ hamal kạmi do cetʼ unim kạmi ocoaea?

Jobakʼ 39:11 Referans Kwoze

Jesaea 30:16

Apepe menkeda, “Baṅ, ale do sadomre decʼkatele dạṛa.” Onate ale do dạdạṛ hoyokʼtalea. Apepe menkeda, “Khacaṛ sadomre decʼkatele calao joṅa. Onate okoe apeko khudạupe onko do coṭkargeko hoyokʼa.

Jesaea 30:6

Dạkhin disạmren janwarko reaṅ nạbi katha: onko goḍetko do kosṭo ar durdosate perecʼ disạm talate ar dhạcri kul ar kul eṅga, bisan biń ar uḍạukʼkan bińkoakʼ disạm talateko calakʼa. Onko do akoakʼ dhon-duribko gadhare ladekate ar damanakʼ jinisko do ũṭ deare ladekate onko jạtrenko ṭhenko idiya one okoe hotete jãhãn labge baṅ hoyokʼtako.

Kạhtukko 14:4

Ḍaṅgra bako tahẽlen khan goṛa do khạlige tahena, menkhan phẽṭaṛakʼ daṛetege phosol do bạ̃ṛti ńamokʼa.

Sereńko 147:10

Uni do sadom reakʼ daṛe hõ bae hạ̃sakʼa, ar lạṛhạyicʼ reakʼ jaṅga hõ bae bạsutakʼ kana;

Sereńko 144:14

Aleren ḍaṅgrako do hamal hamal bojhako or daṛeakʼma; ar aleakʼ bhitko jemon alo paṛagokʼtale, okoe hõ jemon aloko bondi ocokʼ, ar horkore jemon dukokʼko reakʼ rakʼ alo ańjomokʼ.

Sereńko 20:7

Ḍher hoṛge akoakʼ rãt gạḍi iạteko bạḍạiyokʼa ar adomko do akoren sadomko iạte, menkhan abo do aboren Probhu Isor iạtege.

Genesis 42:26

Noa tayom onko do akoren gadhare anajko ladekeda arko mohnḍayena.

Genesis 9:2

Ar dhạrtiren sanam janwarko, coṭren cẽṛẽko, leńokʼ ṭunḍạṅko ar jalapuriren hakoko do apeko botorapea. Noko do apeakʼ tiregeko jimạ ocoyena.

Genesis 1:28

Isor do unkin bhoratʼkinteye metatʼkinạ, “Saṅgekʼ reakʼ daṛete perejokʼpe, ar apnarakʼ lekha ḍhertape ar dhạrti perejpe ar dhạrti do apeakʼ ḍanṭaore dohoype. Ona chaḍa ape do jalapuriren hakoko, coṭren cẽṛẽko ar otren sanam lekan jiwiyanko cetanre mạlik lekate ektiạripe calaoa.”

Genesis 1:26

Ona tayom Isore menkeda, “Ńitokʼ do abo leka ar abo sãote jurikʼ leka manwa bon benaokoma. Onko do jalapuriren hakoko, coṭren cẽṛẽko, otren janwarko, leńokʼ ṭunḍạṅkan sanam lekan lạṭu ar kạṭicʼ ạsul ar bir janwarko ar dhạrti reakʼ sanamakʼko cetanre mạlik lekate ektiạriko calaoma.”

Jesaea 46:1

Probhu Isore meneda, “Bel debota doe ombagokʼa ar Nebo debota hõe sombodokʼa; unkinren goṛhon muṭhạnkoakʼ bojha do janwarkore lade idikʼa. Babelrenko okoe do boṅga murhutʼko sewawako kan tahẽkan onko do bojha lekako hoyokʼtakoa, ar laṅga janwarko lạgitʼ hõ bojhako hoyokʼa.

Jobakʼ 39:10

Arãṛ reakʼ baberte nahel reakʼ gaḍarem tol daṛekea? Uni do am lạgitʼ cetʼ lodamreye caskea?

Jobakʼ 39:12

Pạtiạuae kangeam ruạṛ hecʼamae mente, ar khạrạire anajkoe samṭaoama mente?

Numeri 23:22

Uni do Misor khon onkoe oḍok ạgu akatʼkoa, bir ḍaṅgrawakʼ daṛe leka onkoakʼ daṛe do.