Jobakʼ 38:8 - সান্তালী বাইবেল

⁸ “Jalapuri do tinre dhạrti reakʼ kukhi khon oḍok hecʼlena unre duạr reakʼ kapaṭ do okoeye siń esetʼleda?

Jobakʼ 38:8 Referans Kwoze

Genesis 1:9

Noa tayom Isore menkeda, “Serma latar reakʼ sanam dakʼko mitʼ jaegare jarwakʼma ar rohoṛ jaega ńelokʼma.” Ar onkage hoyena.

Jirimiạ 5:22

Iń do cetʼ bape botorạń kana? Iń samaṅre cetʼ bape thar tharaokʼ kana? Ińge jaejug reakʼ mitʼṭecʼ bondobos lekate gitilte doreão reakʼ simạnań ṭhik dohoakada, jemon jalapuri do ona bae parom daṛeakʼ. Ona reakʼ ḍheoko hecʼlenre hõ ona do bae leṭecʼ daṛeakʼa; ar ona do hud hudạukʼre hõ bae parom daṛeakʼa.

Kạhtukko 8:29

ar tinre jalapuri reakʼ simạkoe benaoetʼ tahẽkana jemon dakʼ do uniyakʼ niạm bahrete bae sen daṛeakʼ, ar tinre uni do dhạrti reakʼ rehetʼe ṭhiketʼ tahẽkana,

Sereńko 33:7

Uni do jalapuri reakʼ dakʼkoe jarwa ocoyetʼa, ar judạ judạ murạikore onako dakʼe dohoyeda.

Jobakʼ 38:10

Ińge ona reakʼ simạ doń ṭhik doholeda; ona reakʼ kapaṭ ar huṛkạṛkoń lagaoada.

Genesis 1:7

Nonkate Isor do dakʼ talare mitʼṭecʼ phaelao jaegae sirjạukeda ar cetan ar latar reakʼ dakʼe begarkeda. Onate cetan ar latar reakʼ dakʼ do begarena.

Jobakʼ 28:25

Uni do tinre hoere daṛeye emakʼkana ar dakʼko doe soṅ niṭetʼkana,

Jobakʼ 38:9

Unre rimil do uniyakʼ oyonakʼ iń hoyocoleda, ar kaṛaṅ kucạṅ ńutre gendrecʼteń bedhaoledea.

Sereńko 104:6

Dhạrti do kicricʼtem esetʼakatʼ leka jalapuri reakʼ dakʼtem esetʼleda; buru ar boṭkocʼ hõ ona dakʼte unum cabalena.

Kạhtukko 30:4

Okoe sermate doe rakapʼakana are pheḍ hecʼakana? Okoe do tire hoeye cuputʼ akada? Okoe apnarakʼ kicricʼre sanam dakʼe jarwa dohoakada? Dhạrti reakʼ simạnako do okoeye bandhao akada? Uniyakʼ ńutum ar uniren hoponakʼ ńutum do cetʼ? Amem baḍae khan lạiyạńme baṛe.

Jesaea 40:12

Okoe dakʼko do acʼakʼ loṭteye soṅakada ar sermako do okoe acʼakʼ bitạteye jokha akada? Dhạrti reakʼ dhuṛi do ạṛire okoeye sahopʼ ocoakada ar buru ar ḍuṅgriko hõ okoe tulạteye tulạ akada?

Sereńko 107:24

onkoge Probhu Isorakʼ kạmiko ńelakada, ar khạndri dakʼre uniyakʼ hahaṛa kạmi hõko ńelakada.