Jobakʼ 38:4 - সান্তালী বাইবেল

⁴ Dhạrti reakʼ rehetʼ iń benao jokhecʼ am do okarem tahẽkana? Amakʼ bud menakʼ khan enḍekhan lạiyạńme.

Jobakʼ 38:4 Referans Kwoze

Sereńko 104:5

dhạrti do acʼakʼ rehetʼ cetanrem bạisạu akada; ona do tishõ baṅ ḍikạḍakekʼa.

Ibriko 1:10

Isor do arhõe menakada, “E Probhu Isor, am do etohopʼrege dhạrti reakʼ rehetʼem bạisạu akada; ar serma hõ amakʼ titegem benao akada.

Kạhtukko 30:4

Okoe sermate doe rakapʼakana are pheḍ hecʼakana? Okoe do tire hoeye cuputʼ akada? Okoe apnarakʼ kicricʼre sanam dakʼe jarwa dohoakada? Dhạrti reakʼ simạnako do okoeye bandhao akada? Uniyakʼ ńutum ar uniren hoponakʼ ńutum do cetʼ? Amem baḍae khan lạiyạńme baṛe.

Ibriko 1:2

Menkhan sesa sisi dinkore uni do acʼren Hopon hotete abokoe galmarao akatʼbona. Isor do acʼren Hopon sanamakʼren ạidạri hoyokʼ lạgitʼe dohokedea. Ar Hopon hotetege uni do sanamakʼe sirjạukeda.

Sereńko 102:25

Sedae jugre am do dhạrti reakʼ rehetʼem bạisạu akada; ar serma hõ amakʼ titegem benao akada.

Genesis 1:1

Etohopʼre Isor do ot ar sermae sirjạukeda.

Kạhtukko 8:22

“Probhu Isor doe sirjạukedeńạ, acʼakʼ sirjạu reakʼ etohopʼre Ạd reakʼ kạmiko modre pạhilakʼge;

Genesis 2:4

Sirjạu tayom serma ar ot reakʼ katha: Probhu Isor do tinre maraṅ serma ar ote benaoetʼ tahẽkana unre dhạrtire aṛakʼ sakam, dare, nạ̃ṛĩ, anaj, ar phosolko do baṅ janam akan tahẽkana, ente Probhu Isor do dhạrtire dakʼ reakʼ bae bebosta akatʼ tahẽkana. Ona chaḍa jumire cas lạgitʼ manwa hõ bako tahẽkana.

1 Samuel 2:8

Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.

Jobakʼ 15:7

“Manwako modre amge cetʼ pạhilrem janam akana? Buruko ạuri sirjạukʼre cetʼ amgem janamlena?

Jobakʼ 34:13

Dhạrti reakʼ bhar do cetʼ jãhãe uniye emakawadea? Goṭa pirthimi ńel todarot reakʼ kạmire cetʼ jãhãe uniye dohoakadea?

Jesaea 40:14

Buj ńam lạgitʼ Probhu Isor do okoeyakʼ solhae hatao akada, ar ṭhik hor do okoe uniye udukʼ akawadea? Okoe uni do ạkile cetʼ akawadea se buj bicạr reakʼ hore udukʼ akawadea?

Jirimiạ 10:12

Probhu Isor do acʼakʼ daṛete dhạrtiye sirjạu akada, ar acʼakʼ ạkiltege pirthimi reakʼ rehetʼe bạisạu akada ar uniyakʼ bujte sermae pasnao akada.

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.

Jobakʼ 28:25

Uni do tinre hoere daṛeye emakʼkana ar dakʼko doe soṅ niṭetʼkana,

Sereńko 102:26

Onako do marao cabakʼa, menkhan am do jaejug hạbicʼem tahena. Onako do kicricʼ lekage mare cabakʼa; ar oyonakʼ lekam bodola, ar onako do kicricʼ leka pherao ocokʼa.

Kạhtukko 3:19

Probhu Isorakʼ ạkilte dhạrti do bạisạu akana, ar uniyakʼ bujte serma doe bandhao akada.