Jobakʼ 36:7 - সান্তালী বাইবেল

⁷ Dhorom hoṛko khon acʼakʼ mẽtʼãhã do bae ocokʼeda; uni do rapajko sãote siṅghạsonre onkoe duṛupʼetʼkoa ar jaejug lạgitʼe usul ocoyetʼkoa.

Jobakʼ 36:7 Referans Kwoze

Sereńko 34:15

Dhorom reakʼ horte okoeko calakʼkan onkore do Probhu Isorakʼ mẽtʼãhã menakʼa; onkoakʼ koejoṅ ańjom lạgitʼ uniyakʼ lutur do jhicʼge menakʼtaea.

Sereńko 33:18

Menkhan Probhu Isorre okoeyakʼ botor menakʼ, ar uniyakʼ dulạṛre okoe asko dohoyetʼ, onko cetanre uniyakʼ daya do tahẽnkana;

1 Samuel 2:8

Uni do dhuṛi khon nacaricʼe rakapʼedea, ar okulạnicʼ do torocʼ khone beretʼedea. Cetan hudạren hoṛko sãote uni do onkoe duṛupʼ ocokoa, ar manot reakʼ siṅghạsone emakoa; ente dhạrti reakʼ kham khunṭiko do Probhu Isorakʼge, uni do onako cetanre pirthimiye dohoakada.

2 Thessalonikiko 3:3

Menkhan Probhu Isor doe pạtiạrgea; unige ape doe kajak ocopea ar Soetanakʼ ti khone rukhiyạpea.

Jobakʼ 42:12

Probhu Isor do Jobakʼ jion reakʼ pạhilteakʼ khon tayom teakʼge bạ̃ṛtiye ạsirbadatʼtaea. Uniren do gelpon hajar bhiḍi, meromko, turui hajar ũṭko, mitʼ hajar joṛ ḍaṅgra ar mitʼ hajar gadhako hoyentaea.

Ester 10:3

Ahasberos raj tayom do Mordekaige dosaricʼe tahẽkana. Uniren sanam jạt-boehako do uniko manotkedea arko bạsutae kan tahẽkana, ente uni do acʼren hoṛko lạgitʼ bhạlạiyakʼgeye kạmiyetʼ tahẽkana ar sanam Jihudiko rukhiyạko reakʼgeye kurumuṭuyetʼ tahẽkana.

1 Patras 3:12

Okoe dhorom horteko calakʼkan Probhu Isorakʼ mẽtʼ do onkore menakʼa, ar onkoakʼ koejoṅ ańjom lạgitʼ uniyakʼ lutur do jhicʼge menakʼtaea; menkhan okoe bạṛicʼakʼko kạmikan, Probhu Isor do onko upạrteye teṅgona.

Jobakʼ 1:3

Ar eae hajar bhiḍiko, pe hajar ũṭko, mõṛẽsae joṛa ḍaṅgra ar mõṛẽsae gadhako tahẽkantaea. Purub disạmren hoṛko modre unige jotoko khon kisạ̃ṛgeye tahẽkana.

Sephaniạ 3:17

Amren Probhu Isor do amrege menaea, ar rurukhiyạme lạgitʼ daṛe menakʼgetaea. Uni do am reaṅ ạḍiye rạskạkʼa ar uniyakʼ khạndri dulạṛ reakʼ tirpitokʼte uni doe thir hapekʼa. Ar am reaṅ rạskạteye sereńa.”

Genesis 41:40

Onate amge raj oṛakʼ reakʼ sanamakʼ bhar do hataome. Ar ińren sanam porja do amakʼ hukum lekageko senokʼa. Iń do eken raj lekate am cetanreń tahena.”

Genesis 23:6

“Aleakʼ katha ańjomme. Am do nonḍe ale talare Isorren ojokʼicʼ mitʼṭen mukhiyạm hoyakana. Aleakʼ joto khon mońj utạrakʼ toparege amren bạhu do topakaeme. Amren bạhu topaye lạgitʼ aleko modre okoehõ acʼakʼ topa ṭhạ̃i aṛag do bae baron mea.”

2 Bõsbudạ 16:9

Okoe do Probhu Isorko botorae onko rukhiyạko lạgitʼ uniyakʼ mẽtʼ do dhạrti reakʼ sanam jaegakore tahena. Am do lelhawakʼem kạmi akada. Ńit khon am do ghane ghạṛicʼ lạṛhạirem paṛaokʼa.”

Jobakʼ 4:7

“Hudiskate ńelme, bin dusạn hoekate jãhãeye marao akana? Dhorom hoṛko do cetʼ jãhãreko ses utạr akana?

Jobakʼ 5:11

Nindhạn hoṛkoe usuletʼkoa; ar homor halaṅko do nirạiteye dohoyetʼkoa.

Jobakʼ 22:29

Tinre am dom tumbutʼ ocokʼa unrem mena, ‘ińakʼ bạḍại iạtege noa do hoyakana’ amakʼ mạ̃hir iạtege Isor do ame bańcaomea.

Jobakʼ 31:4

Uni do cetʼ ińakʼ dãṛãnko bae ńeleda? Ińakʼ taṛamko reakʼ cetʼ bae lekhayeda?

Sereńko 41:12

Ińakʼ dhorom iạte am dom esetʼ ạcur akadińạ; am do jaejug lạgitʼ am samaṅrem doho akadińạ.

Jesaea 22:23

Mitʼṭecʼ keṭecʼ jaegare khunṭi leka uni doń bitʼkaea, uni do apatakʼ bõs lạgitʼ mitʼṭecʼ ṭhonok reakʼ siṅghạsone hoyokʼa.

Sereńko 33:16

Maraṅ palṭon phạdko tahenre hõ raj do bae rukhiyạ daṛeakʼa; ar maraṅ daṛe tahentaere hõ bir banṭa hoṛ do bae rukhiyạ daṛeakʼa.

Sereńko 34:16

Okoe bạṛicʼakʼko kạmikan Probhu Isor do onko upạrteye teṅgona, jemon dhạrti khon onkoakʼ ńutum cabakʼtako.