Jobakʼ 36:16 - সান্তালী বাইবেল

¹⁶ “Uni do kosṭo tala khon oḍok ạgumeye khojkana; ar nonkan phaelao ṭhạ̃iteye idimea okare jãhãn tạkicʼakʼge baṅ tahen. Onḍe amakʼ ṭebil do bhage bhage jomakʼte perecʼ tahena.

Jobakʼ 36:16 Referans Kwoze

Sereńko 23:5

Bạiriko samaṅrege am do jomakʼ ar ńũiyakʼkom juṛạuạń kana, ar bohokʼre sunumem ojokʼạń kana; ar ińakʼ bạṭi do sareṛokʼ kan tińạ.

Sereńko 118:5

Iń do muhinreń paṛaoente Probhu Isoriń hohoadea; ar uni doe ańjomketʼtińạ ar mitʼṭecʼ ṭhạ̃ireye oḍok ạgukedińa.

Jesaea 25:6

Phạdkoren Probhu Isor do niạ buru cetanre sanam jạtren hoṛko lạgitʼ bhage bhage jomakʼ ar mare darkha rasa reakʼ mitʼṭecʼ maraṅ bhoje emokʼa; onare joto khon bhageakʼ jel ar joto khon bhageakʼ darkha rasa hõ tahena.

Sereńko 63:5

Jel ar itilanakʼte tirpitokʼ hoṛ leka ińakʼ jiwi do tirpitokʼ kana; ińakʼ moca do maraṅ rạskạte amakʼgeye õṛhẽ sereńa.

Sereńko 31:8

Bạirikoakʼ tire am do bam dohoakadińạ, bickom mitʼṭecʼ phaelao jaegarem teṅgo akadińạ.

Sereńko 18:19

Uni do mitʼṭecʼ phaelao jaegateye oḍok ạgukedińa; ar ińre kusiye tahẽkante uni doe bańcaokedińa.

Sereńko 36:8

Amakʼ oṛakʼ reakʼ jomakʼ jomte onko doko tirpitokʼa; amakʼ hạ̃s reakʼ ar gaḍa reakʼem ńu ocokoa.

Hosea 2:14

“Ar cĩkạ̃ṛ cĩkạ̃ṛ kathate uni do hahaṅkarteń ạyur idiyea ar uni tulucʼ dulạṛ reakʼ kathań roṛa.

Jesaea 55:2

Okaṭakʼ jomakʼ baṅkan ona lạgitʼ ṭaka poesa do cedakʼpe khoroca? Okaṭakʼte baṅ tirpit ona lạgitʼ do cedakʼpe khaṭaokʼ kana? Ańjompe, ińakʼ katha ańjompe, oka bhageakʼkan ona jompe; ar itilanakʼre rạskạjoṅpe.

Jobakʼ 19:8

Ińakʼ hore eṭetʼ esetʼ akatʼtińte bạń parom daṛeakʼ kana; uni do ińakʼ sanam horko ńutteye dapal akatʼtińạ.

Jobakʼ 5:17

“Bhạgangeae uni hoṛ, okoe do Isore sudhrạuede. Onate sanam daṛeanicʼakʼ ḍanṭao do alom nihạ̃ta,

Jobakʼ 15:11

Isor emakʼ jiwi raṛecʼge cetʼ am lạgitʼ do baṅ ḍhera? Am do ona kathage mạ̃hir salakʼem men ocokʼkana.

Sereńko 18:20

Ińakʼ dhorom kạmi lekatege Probhu Isor doe dan akawạdińa, ar ińakʼ kạmi reakʼ napaetetʼ iạtege kuṛạiye emadińạ;

Sereńko 63:6

Aṭetʼre giticʼkate amakʼ katha reakʼ iń ganḍonokʼ kana, ar ńindạ do pohrek pohrekre am reakʼ iń dheneda;