Jobakʼ 36:10 - সান্তালী বাইবেল

¹⁰ Uni do sudhrạukʼ lạgitʼ sopolhae emakokana ar bạṛicʼ khon mon ạcur lạgitʼe hukumako kana.

Jobakʼ 36:10 Referans Kwoze

Mathae 3:8

Bhagegea, kại khon cetʼleka monpe ạcurakatʼ onkage apeakʼ jionre bhage jo ńel ocoytape.

Jobakʼ 36:15

Nacarko do akoakʼ nacar dosa hoteteye rukhiyạyetʼkoa ar onkoakʼ duk hotetege onkoakʼ lutur doe jhicʼetʼtakoa.

Jesaea 50:5

Probhu Isor do ińakʼ luture jhicʼ akatʼtińạ ar iń doń batao akatʼtaea, ar bạń pạc ruạṛ akana.

Jesaea 48:17

Probhu Isor, aperen chakʼḍaoicʼ, Israelren uni sonoticʼ do niạ kathae meneda, “Aperen Probhu Isor doń ińkangea; ar ape bhạlạiype lạgitʼgeń cetʼ apekana. Oka horte calakʼ lek kanpe ona hortegeń ạyuretʼpea.

2 Rapajko 17:13

Probhu Isor do acʼren sanam nạbiko ar ńeńelko hotete Israelko ar Jihudiko niạ menteye sontorletʼkoa, “Apeakʼ bạṛicʼakʼ hor khon ruạṛokʼpe ar sanam ạn-ạriko okaṭakʼ do aperen hapṛamko manao lạgitʼ iń ematʼko tahẽkan ar ińren gutiko, metakʼme nạbiko hoteteń baḍae ocoakatʼpe ona lekage ińakʼ sanam hukumko ar niạmko manaope.”

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor baṛe khạṭi dohoype.

Aposkạmi 17:30

Ente sedaeren hoṛ do bako baḍaekan tahẽkante Isor do noako secʼ bae beṅgetʼletʼa. Menkhan ńitokʼ uni do sanam jaegare joto hoṛge kại khon mon ạcur lạgitʼe hukumako kana,

Aposkạmi 16:14

Ar okoekoko ańjometʼkan tahẽkan onko modre Thuạtirạ nagraharen Ludiạ ńutuman mitʼṭen maejiue tahẽkana. Uni do beguni roṅ reakʼ kicricʼe kiriń ạkhrińetʼ tahẽkana. Ar Jihudi bae tahẽkanre hõ uni do Isore sewawaekan tahẽkana. Probhu Isor do Ludiạwakʼ ontor nonkae jhicʼketʼtaea jemon uni do Pạulakʼ katha monteye ańjom are pạtiạukʼ.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Hosea 14:1

E Israelren hoṛko, aperen Probhu Isor ṭhen ruạṛ hijukʼpe. Apeakʼ kại iạtege ape dope ńur akana.

Jesaea 48:8

Ape do ona bape ańjomakada ar bujhạu hõ bape bujhạu daṛeakada; sedae khon apeakʼ lutur hõ baṅ jhicʼ akantape tahẽkana. Enteń baḍaekan tahẽkana ape do bepạtiạr hoṛ kanape mente, ar janam khonge huhulko mentepe ńum ocokʼkana.

Sereńko 40:6

Am do janwar dãṛẽ hõ bam khojkana, ar jeredokʼ samaṅokʼakʼ ar kại ńutumte dãṛẽ hõ bam khojkana; menkhan amakʼ katha ańjom lạgitʼ luturem emakawạdińa.

Jobakʼ 36:21

Sontor akae tahenme, bạṛicʼ secʼ alom ạcurokʼa, ente kosṭo khon bạṛicʼakʼgem bachao akawana.

Jona 3:8

Manwa ar janwar sanamkoge jemon gõṛẽ kicricʼteko oyokʼma. Ar mitʼke mitʼ hoṛ do goṭa daṛete Isorko hohoaema ar bạṛicʼ hor khonko ruạṛokʼma ar bạṛicʼakʼ kạmiko bạgiyma.

Sephaniạ 3:7

Iń ar do Jerusalemiń metatʼa, ‘ńitokʼ do khạṭigem botorạńạ ar ińakʼ ḍanṭaoem bataotińạ.’ Enḍekhan uniyakʼ tahen ṭhạ̃i do baṅ nosṭo ocokʼtaea, ińakʼ sanam sạjại hõ uni cetanre baṅ hijukʼa. Menkhan uniren hoṛko do gagoj salakʼ kharapakʼ kạmiko kạmiyeda.