Jobakʼ 34:26 - সান্তালী বাইবেল

²⁶ Onkoakʼ dusṭạmi iạte sanamko samaṅreye sạjạikoa,

Jobakʼ 34:26 Referans Kwoze

Johan sodor 18:20

Unre uni serma goḍet doe menkeda, “E serma, ona nagraha ḍahao maraoen iạte rạskạkʼme. E Isorren hoṛko, apostolko ar nạbiko hulạsokʼpe. Ape upạrte uni okae cekaletʼ ona lạgitʼ Isor do uniye bicạr akadea.”

1Timothi 5:24

Adom adom hoṛakʼ kại do nunạkʼ sodorgea je, ona reakʼ bicạr do laharege hoyakana. Arhõ adom adom hoṛ do kạiye pańja idiyetʼkoa.

1Timothi 5:20

Okoe mukhiyạko kạkạitegeko tahen onko do manḍerren sanam hoṛko samaṅre nisṛạukom jemon eṭakʼ mukhiyạko hõ botor tahentako.

Jesaea 66:24

Ar onko do oḍok kate iń upạrteko hulletʼ tahẽkan hoṛkoakʼ mạ̃ṛĩkoko ńela. Onkoren tejoko okoe do gocʼ hoṛakʼ jelko jom onko do bako gujukʼa ar onkoakʼ seṅgel hõ baṅ ĩṛĩjokʼa; ar onko do sanam manwa jạtrenko lạgitʼ hirkhạwanakʼgeko hoyokʼa.

Dosar Biboron 21:21

Unre ona ṭhạ̃iren sanam herel hoṛ do dhirite uniko tiń gojea. Ar nonkate ape tala khon uni bạṛicʼ hoṛ doe caba utạrokʼa. Ar Israelko do noa katha ańjomkate botor caṛhaoakoa.

Exodus 14:30

Probhu Isor do enhilokʼ nonkage misrikoakʼ ti khon Israelkoe bańcaoketʼkoa. Ar Israelko do misrikoakʼ mạ̃ṛĩko jalapuri aṛekoreko ńelkeda.

Jobakʼ 36:6

Uni do dusṭạmiko jiwetʼ bae dohoyetʼkoa menkhan okoeko santao ocokʼkan onko do hok reakʼe bicạretʼtakoa.

Jobakʼ 38:13

jemon uni do pirthimi reakʼ ańcar sapʼkate bạṛicʼko onḍe khone koṭa ńur daṛeako?

Sereńko 9:5

Am do eṭakʼ jạtrenkom dhomkaoetʼkoa ar bedhoromko dom nosṭoyetʼkoa; onkoakʼ ńutum do jaejug hạbicʼem mohor meṭao akatʼtakoa.

Sereńko 11:5

Probhu Isor do acʼ botoraekan koe biḍạu aṭkaretʼkoa, menkhan okoe bedhorom ar jor julumgeko dulạṛetʼ onko do bae moneyako kana.

Jesaea 1:28

Menkhan huhulko ar kạikại hoṛ do jotoge mitʼ sãoteko maraokʼa, ar okoe Probhu Isorko bạgi akade onko doko caba utạrokʼa.

Jeheskel 16:41

Onko do amakʼ oṛakʼ-duạrko jeredtama ar ḍher maejiuko samaṅre amiń sạjạimea. Nonkate iń do amakʼ laṭghaṭiń mokoń ocoytama; ar amren dulạṛiạko do ṭaka poesa ar bam emakoa.