Jobakʼ 34:22 - সান্তালী বাইবেল

²² Nonkan jãhãn ńutakʼ ṭhạ̃i se dạriạ umul hõ bạnukʼa one onare bạṛicʼ kạmikan hoṛko oko daṛekokʼ.

Jobakʼ 34:22 Referans Kwoze

Ibriko 4:13

Sirjon reakʼ okaṭakʼ hõ Isor ṭhen do okoanakʼ bạnukʼ anaṅ. Okoe ṭhen aboakʼ hisạb emokʼ hoyokʼ uni ṭhen do sanamakʼge oṭakʼgea ar sodorgea.

Kạhtukko 10:29

Probhu Isorakʼ hor do dhorom hoṛko lạgitʼ gaṛ leka, menkhan okoe do bạṛicʼko kạmi onko lạgitʼ do morone ạguiya.

Jirimiạ 23:24

Jãhãege cetʼ nonkan danaṅ jaegareye oko daṛeakʼa okare bạń ńelńam daṛeae? Iń do serma ar ot reakʼ sanam ṭhạ̃irege cetʼ bạń tahẽnkana?”

Jobakʼ 3:5

Dhund ar moron ńutge onakin apnar joṅma; rimil do uniye danaṅ esedema, ar kaṛaṅ ńut do onae botor ocoyma.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

Luk 13:27

Unreye metapea, ‘oka khon coṅpe hecʼakan, iń do bạń baḍae akatʼpea. E phạsiạrako, men iń khon ńirjoṅpe.’

Mathae 7:23

Unre pusṭạuteń lạiyakoa, ‘ape do tis hõ bạń baḍaeletʼpea. E bedhorom kạmiko, men iń khon sahaṛokʼpe.’

Jesaea 29:15

Hae onko hoṛ do, okoe do akoakʼ goṭawakʼko Probhu Isor ṭhen okoe reakʼko kurumuṭukan. Onko do ńutreko kạmiya arko hudisa, “Okoe baṅ abo doe ńeletʼ bon? Ar cele baṅe baḍayetʼbon?”

Jesaea 9:2

Okoeko hoṛ do ńutreko tahenkan onko do maraṅ marsalko ńela; ar okoe kaṛaṅ ńut reakʼ umulreko duṛupʼ akan onko do marsal bamberakoa.

Sereńko 5:5

Bạḍạiko do am samaṅre bako teṅgo ṭarhao daṛeakʼa; ar bạṛicʼakʼko kạmikan hoṛ dom kurudako kana.

Jobakʼ 31:3

Bedhoromko lạgitʼ jarkharakʼ do cetʼ baṅkana? Ar bạṛicʼakʼko kạmikan hoṛko lạgitʼ muhin do cetʼ baṅkana?

Jobakʼ 24:17

Onko lạgitʼ setakʼ do kaṛaṅ kucạṅ ńut kana; ar kaṛaṅ ńut do onkoren gatege.

Jobakʼ 3:13

Inạ khan honaṅ sulukteń giticʼkokʼa, ariń jạpitʼkea ariń jirạukokʼa.

Jobakʼ 10:21

Iń do usạrage ńut ar moron dhund disạmteń calakʼa; ar tishõ bạń ruạṛ hijukʼa.

Jobakʼ 11:20

Menkhan bedhoromkoakʼ mẽtʼ do ạndhạukʼtakoa onko do cetʼ asrayge bako ńama; mucạtʼ sãhetʼge hoyokʼa onkoakʼ as do.

Jobakʼ 38:17

Moron reakʼ duạrako dom ńel ocoakana? Ona ńut reakʼ jaega do cetʼem ńelakada?

2 Samuel 12:12

Am do oko okotem kạmi akada menkhan iń do ḍig ḍig marsalre jotoko samaṅre onań kạmi ocoya, hẽ sanam Israelkoakʼ mẽtʼãhã samaṅrege.’ ”

Jobakʼ 10:14

Ińiń kại khan, onam ạribạndhiyetʼ kana ar ińakʼ dos reakʼ sạjại begor do bam aṛagińạ.

Jobakʼ 12:22

Ńut reakʼ okoakʼkoe sodor ocoya ar dhund do marsalteye oḍok ạguyeda.

Jobakʼ 22:13

Enhõm meneda, ‘Isor do cetʼ jãhãnakʼe baḍaea? Niạ ńutre Isor do cekateye bicạra?

Jirimiạ 16:17

Onkoakʼ dãṛãn cetanre ińakʼ mẽtʼ do menakʼa; ińakʼ mẽtʼ khon danaṅre do bạnukʼkoa ar onkoakʼ ghạṭ hõ iń khon do baṅ okokʼtakoa.