Jobakʼ 34:10 - সান্তালী বাইবেল

¹⁰ “Onatege E bujan hoṛko, ińakʼ katha ańjompe. Isor khon bạṛicʼakʼ kạmi do sahaṛ akae baṛe tahenma.

Jobakʼ 34:10 Referans Kwoze

Romiko lạgitʼ Pạul Apostolakʼ ciṭhi 9:14

Enḍekhan cetʼ bon menkea Isor doe behoketʼ kana? Ekaltege baṅa. Uni do Moseye metade tahẽkana,

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Jobakʼ 8:3

Isor do cetʼ hok upạrteye kạmikana? Sanam daṛeanicʼ do cetʼ ṭhikakʼ doe beṭhikeda?

2 Bõsbudạ 19:7

Probhu Isorge baṛe botoraepe. Ar sontorte bicạrpe, ente behok, mẽtʼãhã beṅgetʼakʼ ar ghus jojomko tulucʼ aboren Isorakʼ do cetʼ helmelge bạnukʼtaea.”

Jakob 1:13

Jãhãege ontorre kại secʼe orokʼkana menteye bujhạule khan aloe menma, “Isor do kại secʼe oreń kana mente.” Ente jãhãn bạṛicʼakʼge Isor do kại horte bae idi daṛeaea.

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Sereńko 92:15

Onate porcarokʼa, Probhu Isor doe dhoromgea; unige ińren daṛe do ar unire jãhãn behok do bạnukʼa.

Jobakʼ 36:23

Okoe uni doe sudhrạu daṛekea se uniye men daṛekea, ‘am dom behok akada?’

Kạhtukko 6:32

Okoeye laṭghaṭ uni do buj reakʼ okulạn menakʼtaea; uni do acʼtegeye maraokʼ kana.

Jobakʼ 37:23

Sanam daṛeanicʼ do babo ńam daṛeaea; daṛe ar hokre uni doe maraṅgea, asambheṛ dhorom iạte bae santaoa.

Jirimiạ 12:1

E Probhu Isor, am upạrteń mamblakʼ kanre hõ am do jao oktem dhoromgea. Enhõ iń do amakʼ bicạr reaṅ am sãote thoṛaganiń galmaraoa. Bedhoromkoakʼ hor do cedakʼ jo bahakʼkantakoa? Bepạtiạr hoṛ do cedakʼ khạtirjomako girobaso daṛeakʼ kana?

Kạhtukko 15:32

Okoe hoṛ ḍanṭao bae bạsutakʼ kan uni do apnargeye nihạ̃tokʼa. Menkhan nisṛạu ańjomicʼ do bae hameṭ joṅa.

Jobakʼ 34:34

“Budan hoṛ do ińko mitạń kana, ạkilan hoṛ do ińakʼ katha ańjomkateko meneda,

Jobakʼ 34:12

Isor do tishõ bae bedhoromeda, sanam daṛeanicʼ do tishõ hok bae peṛta ocowakʼa.

2 Samuel 22:31

Isorakʼ horre jãhãn bin sạbitanakʼ do bạnukʼanaṅ; ar Probhu Isorakʼ katha do khạṭi mente sạbud akana. Uni do acʼre hirlạjoṅ kan sanam hoṛren ḍhal kanae.

Sereńko 145:17

Probhu Isor do acʼakʼ sanam horreye dhoromgea, ar sanam kạmireye pạtiạrgea.

Sephaniạ 3:5

Unireye tahenkan Probhu Isor doe dhoromgea; uni do bae behoka; uni do setakʼre acʼakʼ dhorom bicạre udukʼeda; oka hilokʼ hõ bae gạphileda. Menkhan bedhorom kạmikoakʼ lajao do bạnukʼtakoa.