Jobakʼ 33:13 - সান্তালী বাইবেল

¹³ Cedakʼ uni tulucʼ dom jhogṛakʼ kana manwawakʼ jãhãn katha reakʼ roṛ ruạṛge coṅ bae emokʼ?

Jobakʼ 33:13 Referans Kwoze

Jobakʼ 40:2

“Sanam daṛean tulucʼ okoeye reṭepeṭekʼkan uni do cetʼ uniye sudhrạuea? Isor tulucʼ okoeye reṭepeṭekʼkan unige roṛ ruạṛe emokʼma.”

Jesaea 45:9

“Hae uni hoṛ do, okoe do acʼren sisirjạuicʼ sãoteye reṭepeṭekʼ kan. Uni do hasa bhajanko modren chaḍa ar cetʼgeye baṅkana. Jaṭaṅ hasa do cetʼ kuṅkạle kuli daṛekea, ‘cedakʼem sirjạukedińa?’ Amakʼ benaoakʼ jinis do cetʼ ame men daṛeama, ‘am do cetʼ dhej hõ bạnukʼtama?’

1 Korinthiko 10:22

Noa iạte Probhu Isor do cetʼ babon ãṭ ocoyedekana? Abo do cetʼ uni khon bon daṛegea?

Romiko lạgitʼ Pạul Apostolakʼ ciṭhi 11:34

Probhu Isorakʼ mon do okoe haleye baḍaeakada? Ar okoe baṅ uniren sosolhayicʼe hoyakan?

Aposkạmi 5:39

Menkhan Isor secʼ khonakʼ kan khan ohope thir ocodaṛelekoa. Ente hoedaṛeakʼa ape do Isor upạrtegepe lạṛhại kan.”

Aposkạmi 1:7

Jisui metatʼkoa, “Okaṭakʼ din se okte Baba do acʼakʼ ektiạrireye dohoakatʼ ona do bape baḍae ocoakana.

Mathae 20:15

Ar okaṭakʼ ińakʼ kan, ona do cetʼ ińakʼ kusileka laṛcaṛ reakʼ ektiạri bạnukʼtińạ? Se ińiń dayakʼkante mẽtʼ jolokʼkan tama?’ ”

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Jeheskel 22:14

Ar oka hilokʼ am ṭhen khon hisạbiń hataoa enhilokʼ do cetʼ dil tahentamgea? Amakʼ ti do cetʼ keṭecʼge tahentama? Iń Probhu Isorge noa katha doń meneda ar onage iń doń onkaea.

Jirimiạ 50:24

E Babel, iń do am lạgitʼ mitʼṭecʼ jhạliń oḍao akada ar begor baḍaete onarem jhạli akana; am dom ńamakana ar sapʼ hõm sapʼ ocoakana, ente am do iń upạrtem teṅgolena.

Jesaea 46:10

Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Sereńko 62:11

Sanamakʼ daṛe do Isorakʼ tirege noa katha uni do aema dhaoe roṛakada, ar ińhõ ona do aema dhaogeń ańjomakada.

Jobakʼ 9:14

“Enḍekhan cekate uniyakʼ katha reakʼ roṛ ruạṛ doń emaea? Uni lạiyae lạgitʼ okare katha doń sendra ńama?

Dosar Biboron 29:29

“Danaṅakʼ reakʼ jotowakʼko do aboren Probhu Isorakʼ bisoe kana, menkhan sodorakʼ jotowakʼ do jaejug lạgitʼ abo ar abokoren hopon ar hoponerako lạgitʼkana, jemon noa ạn-ạri reakʼ sanamakʼ kathako bon senakʼte ona bon purạu.

Romiko lạgitʼ Pạul Apostolakʼ ciṭhi 9:20

Enḍekhaniń menkea, E manwa; am dom celekante Isor upạrtem roṛ ruạṛetʼkana? Jãhãe hoṛ mitʼṭecʼ jinise benao khan, enḍekhan ona benaoakʼ jinis do cetʼ uniye kuli daṛekea, “Cedakʼ nonka dom benaokedińa?”

Jobakʼ 11:7

Isorakʼ okoakʼko reakʼ khạndritetʼ do cetʼem baḍae daṛeakʼa? Sanam daṛeanicʼakʼ simạna baṅ tinạkʼ sạṅgiń ona do cetʼ suṭhik katem ńel daṛekea?

Jobakʼ 9:12

Uniye rerecʼ khan okoe uni doe tạkicʼ daram daṛekea? Okoe uniye kuli daṛekea, ‘am do cetʼem cekayeda mente?’

Jobakʼ 10:2

E Isor, iń do alom bicạr dusiyińạ menkhan iń upạrte oka khanḍa khạnḍi menakʼtam ona baḍae ocoyińme.

Jobakʼ 10:6

Ona iạte cetʼ ińakʼ doskom sendra kana ar ińakʼ ghạṭkom suṭhik bakʼṛa kana?