Jobakʼ 31:3 - সান্তালী বাইবেল

³ Bedhoromko lạgitʼ jarkharakʼ do cetʼ baṅkana? Ar bạṛicʼakʼko kạmikan hoṛko lạgitʼ muhin do cetʼ baṅkana?

Jobakʼ 31:3 Referans Kwoze

Jobakʼ 21:30

Bedhorom hoṛ do muhinre bańcaoko ńama ar edrekʼ dinre hõ rukhiyạko ńama?

Jobakʼ 34:22

Nonkan jãhãn ńutakʼ ṭhạ̃i se dạriạ umul hõ bạnukʼa one onare bạṛicʼ kạmikan hoṛko oko daṛekokʼ.

Jihudạwakʼ ciṭhi 1:7

Sodom, Gomora ar onakin beṛhaeteakʼ joto nagrahakoren hoṛko hõ ṭhik onko lekageko laṭghaṭetʼ tahẽkana. Okoe jaejug seṅgelre khadlekʼ reakʼ kuṛạiko ńam noko do onkoakʼ nạmunageko hoyakana.

2 Patras 2:1

Menkhan Israelko talare cetʼleka eṛe nạbikoko tahẽkan, onkage apeko talarehõ eṛe cecetʼkoko tahena. Onko do hape hapete nonkan bhul cecetʼakʼko ạguiya one okaṭakʼte manwako nosṭokʼ; ar okoeye kiriń chaḍao akatʼko uni Probhu Isor hõ bako aṅgocea. Nonkate onko do ạḍi usạra apnarte nosṭokʼko ạgujoṅa.

2 Thessalonikiko 1:9

Probhu Isor tinreye hijukʼa unre nonkae sạjạikoa one onate onko do uniyakʼ hạjirokʼ ar maraṅ daṛe khon bahrereko ńurokʼte jaejug hạbicʼko marao utạrokʼa. Ona dinre uniyakʼ do acʼren hoṛko hotete acʼakʼ ṭhonok sodorokʼtaea ar okoeko pạtiạu akan onko sanamko hotete uniyakʼ man hoyokʼtaea. Ape hõ onko pạtiạu akanko modrenko kanape, ente ape do aleakʼ goharepe pạtiạu akana.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.

Romiko lạgitʼ Pạul Apostolakʼ ciṭhi 9:22

Ṭhik onkage Isor do acʼakʼ edre ar daṛe udug lạgitʼe monejoṅkan tahẽkana; enrehõ okoe hoṛko upạrte acʼakʼ edre sodore menletʼ, onkoakʼ do ạḍi soborikateye sahaoketʼtakoa. Ente onko hoṛkoakʼ kuṛại do moron tahẽkana.

Mathae 7:13

“Sakṛa duạrte bolokʼpe, ente okaṭakʼ hor bạṛicʼ secʼe idipe ona reakʼ duạr do osargea ar hor hõ phaelaogea. Ar ḍher hoṛge onateko bolokʼ kana.

Jesaea 28:21

Probhu Isorgeye lạṛhạiya, cetʼleka uni do Perasim buru ṭhene kạmiletʼ. Uni doe raṅgaokʼa, cetʼleka Gibeon buru ṭhene raṅgaolen. Nonkate uni do acʼakʼ kạmi, acʼakʼ hahaṛa kạmiye sạta.

Kạhtukko 21:15

Hokakʼ kạmi lekhan dhorom hoṛ doko rạskạkʼa, menkhan bạṛicʼ kạmiko doko torasokʼa.

Kạhtukko 10:29

Probhu Isorakʼ hor do dhorom hoṛko lạgitʼ gaṛ leka, menkhan okoe do bạṛicʼko kạmi onko lạgitʼ do morone ạguiya.

Kạhtukko 1:27

Muhin do birbão leka apere hecʼlenre, ar hoedakʼ lekae oṭaṅ idilepere, gạr ar dukrepe unumlenre, unre iń do tamasań ńela.

Sereńko 73:18

Onko do sạrige leńjedokʼ jaegarem dohoakatʼkoa ar mohor meṭaokʼ talarem ńurhạ giḍi akatʼkoa.

Sereńko 55:23

Menkhan E Isor, khuniạhi ar phạsiarako do patal purirem khadlekoa, onkoakʼ bahaokʼ dinko adha ạuri hoyokʼrege; iń do am cetanreń bhorsakʼa.

Numeri 16:30

Menkhan Probhu Isor do jãhãnakʼe cekae ar ot do mocae cahabte onko sanamkoe utʼgotʼkako ar jiwetʼtege patalpuriteko calakʼ enḍekhanpe bujhạu daṛeakʼa, noko hoṛko do Probhu Isorko nihạ̃t akadea.”

Jobakʼ 18:12

Muhin do uni lạgitʼe cahapʼ akatʼa; ar ghoṭna do tãṛãkʼ gure lạgitʼ sapṛaogea.

Jobakʼ 20:29

Isor do bedhoromko lạgitʼ onkan bakhrae ṭhik dohoakada; ar ona kangea onko lạgitʼ Isor emakʼ ạidạri do.”

Jobakʼ 21:17

“Bedhoromkoakʼ diuhe do cetʼ ĩṛĩjokʼtakoa? Tinạkʼ dhao baṅ onkore muhin do paṛaokʼkan? Tinạkʼ dhao baṅ Isorakʼ edre do onkore paṛaokʼkan?

Jobakʼ 31:23

ente iń do Isor emakʼ sạjạiyiń botorakʼ kana; uniyakʼ ṭhonok do nunạkʼge ḍhera, uni botorte onako do ohoń kạmi daṛekea.

Bikʼcạrko 9:53

unre mitʼṭen maejiu do jante dhiri reakʼ cetanakʼ hĩse hataoketʼte Abimelekakʼ bohokʼreye giḍiwadea ar uniyakʼ bohokʼe paṛakʼketʼtaea.

2 Samuel 18:10

Mitʼṭen hoṛ do uniye ńelkede khan senkate Joabe lạiyadea, ‘Iń do ńitokʼge mitʼṭecʼ ela darere Absalom aka akaniń ńel oṭoakadea.”