Jobakʼ 30:26 - সান্তালী বাইবেল

²⁶ Menkhan tinre bhạlạiyakʼ iń aslena unre do bạṛicʼakʼge seṭeradińạ; marsal reakʼ iń ńel horetʼ tahẽkana menkhan ńut hecʼạdińạ.

Jobakʼ 30:26 Referans Kwoze

Jirimiạ 8:15

Sulukokʼ lạgitʼ bon aslena menkhan jãhãn bhạlạige baṅ hoylen tabona; abo do bogekʼ lạgitʼ bon aslena menkhan heṛan botor seṭeratʼbona.

Jirimiạ 14:19

E Probhu Isor, Jihudạ do cetʼem nihạ̃t giḍikakʼa? Ar Sion hõ cetʼem hirkhạwakʼ kana? Cetʼ iạte nonka dom kosṭo ocoyetʼlea, ale do cekate bale boge daṛeakʼ kana? Suluk reakʼle aslena menkhan jãhãn bhạlạige baṅ hecʼatʼlea, bogekʼ lạgitʼle aslena menkhan bạṛicʼ botorge alere paṛaoena.

Mikạ 1:12

Okoe Marothrepe girobasokʼ kan onko do rehay ńam lạgitʼko ahkaokʼkana, ente Probhu Isor ṭhen khon muhin do hecʼpaṛao akana; hẽ, ona do Jerusalem reakʼ phaṭok duạr hạbicʼ seṭer akana.

Jesaea 50:10

Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

Sereńko 97:11

Isor botoraeko do jionre marsalko em ocokʼa, ar okoekoakʼ ontor khạṭige onkoakʼ jionre do rạskạko ńama.

Jirimiạ 15:18

Cedakʼ ińakʼ haso do baṅ cabakʼkantińạ, cedakʼ ińakʼ ghao do baṅ besokʼkantińạ, cedakʼ ona do baṅ ocogokʼkana? Iń ṭhen do cetʼ eṛe ạtukʼkan dakʼ ar baṅ tahenkan jharna dakʼ lekagem hoyokʼa?

Jobakʼ 29:18

“Hudisetʼ tahẽkạnạń ińren hoṛko talaregeń gujukʼa, ińakʼ dinko do gitil leka saṅge hoyokʼtińạ;

Jobakʼ 23:17

Ńut do ińakʼ mẽtʼãhãe dapal esetʼakatʼtińre hõ enhõ ona do bae thir hape ocodaṛe akadińa, ar kaṛaṅ ńut hõ bae gherao daṛe akadińạ.

Jobakʼ 19:8

Ińakʼ hore eṭetʼ esetʼ akatʼtińte bạń parom daṛeakʼ kana; uni do ińakʼ sanam horko ńutteye dapal akatʼtińạ.

Jobakʼ 18:18

Uni do marsal khon ńutteye pharak ocokʼa; ar dhạrti khon doe laga ńir ocokʼa.

Jobakʼ 18:6

Uniyakʼ tạmbu reakʼ marsal do ńutokʼtaea; uni ṭhen dohoakatʼ diuhe hõ ĩṛĩjokʼa.

Rak̕joṅ 3:2

Uni doe laga ńir akadińạ; marsalre do baṅ, menkhan ńutreye taṛam ocoakadińạ;

Jesaea 59:9

Ona iạte hok reakʼ bicạr do abo ṭhen khon sạṅgińre tahen kana ar dhorom do abo hạbicʼ baṅ seṭerokʼ kana. Abo do marsal bon khojkana, menkhan jotoge ńutgea; ḍig ḍig marsal bon khojkana, menkhan kaṛaṅ kucạṅ ńutre bon dãṛãnkana.