Jobakʼ 30:22 - সান্তালী বাইবেল

²² Halaṅ rakapʼkate hoerem aṛakʼ edeńkana; birbão hoere giḍikatem sokocʼ edeńkana.

Jobakʼ 30:22 Referans Kwoze

Jobakʼ 27:21

Purub reakʼ hoe do onkoe idikoa, ar onko doko calakʼa; onkoakʼ jaega khon ona hoe doe oṭaṅ idikoa.

Hosea 13:3

Ona iạte onko do setakʼ reakʼ kuṛhạ ar chanokʼkan sisir dakʼ leka kanako, onko do khạrại khon hoete oṭaṅ calakʼkan bhusạ leka, ar jalna secʼte oḍok calakʼkan dhũạ leka kanako.

Hosea 4:19

Sạjại do hoe leka onkoe oṭaṅ idikoa; onkoakʼ samaṅokʼakʼ porob iạte onko doko lajao ocokʼa.”

Jeheskel 5:2

Ar tinre nagraha reakʼ gherao dinko cabakʼa unre ona upʼ reakʼ pe hạṭiń reakʼ mitʼ hạṭiń do nagraha talare seṅgelrem atar giḍikakʼa. Ar pe hạṭiń reakʼ mitʼ hạṭiń upʼ do tarwaṛete nagraha beṛhaetem samakʼ kuṭrạya, ar pe hạṭiń reakʼ mitʼ hạṭiń upʼ do hoerem uḍiạu gotʼkakʼa. Ar ona tayom tayomte iń do tarwaṛeń kola.

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Sereńko 104:3

Amakʼ sermare tahen jaega reakʼ rehetʼ do serma reakʼ dakʼ cetanrem bạisạu akada; ar rimil do amakʼ gạḍim benao akada; ar am do hoe reakʼ phạ̃kṛạkʼtem calakʼ kana.

Sereńko 18:10

Uni do Kerubre decʼkateye uḍạu hecʼena, ar hoe reakʼ phạ̃kṛạ̃kʼteye ạphir hecʼena.

Sereńko 1:4

Menkhan bedhoromko do bako onkana; onko do hoete oṭaṅ calakʼkan bhusạ lekanako.

Jobakʼ 21:18

Tinạkʼ dhao baṅ hoe samaṅre busupʼ lekako hoyokʼkan birbao hoete oṭaṅokʼkan bhusạ leka hõko hoyokʼkan?

Jobakʼ 9:17

Uni do birbãoteye gejer lạhutʼkedeńạ ar ạuṛiyakʼte uni doe dal ghaoeń kana.