Jobakʼ 30:1 - সান্তালী বাইবেল

¹ “Menkhan ńit okoe do iń khon umerteko komaoge onko do ińko landa-dhutʼạń kana; onkoren apatko do ińren bhiḍi gukʼpiko ar setako tulucʼ dohoko lạgitʼ hoń nihạ̃tletʼkoa.

Jobakʼ 30:1 Referans Kwoze

Jobakʼ 12:4

Iń do Isoriń hohoaekan tahẽkana are ańjometʼtiń tahẽkana, enhõ ińren gateko do ińko landa-dhutʼạń kana.

Luk 23:35

Ar hoṛko do teṅgokateko ńeńelkan tahẽkana. Khan sostor baḍaeko do Jisu siṛogadeteko menkeda, “Uni ma eṭakʼkoe bańcaoetʼko tahẽkan. Uni do Mạsi, Isorren bachaoicʼ kanae; enḍkhan acʼ baṛeye bańcaokʼma!”

Sereńko 69:12

Okoe nagraha reakʼ duạr ṭhenko duṛupʼkan onko talare ińakʼ kathako rakabokʼ kana; ar bul hoṛko hõ iń iạte sereńko joṛaoeda.

2 Rapajko 2:23

Elisae do onḍe khon Bethelteye senena. Ar horte calakʼ jokhecʼ ạḍi utạr huḍiń koṛako do nagraha khonko oḍokʼ hecʼente uni siṛogadeteko metadea, “E ceḍe, ceḍe bohokʼ, ma rakapʼ calakʼme.”

Titus lạgitʼ Pạul Apostolakʼ ciṭhi 1:12

Onko modren mitʼṭen nạbi do noa kathae meneda, “Kret dipren hoṛko doko eṛegea, bir janwar lekanako, asaṅpoḍa arko lebṛagea.”

Aposkạmi 17:5

Menkhan Jihudiko do hiskạte bajar khon adom bạṛicʼ hoṛko ńam jarwaketʼkote nagrahare gulmalko ehopʼkeda. Ona tayom Pạul ar Silạs ńamkate hoṛko ṭhen ạgukin lạgitʼ onko do Jasonakʼ oṛakʼre jhãpko emkeda,

Luk 23:39

Ar okoekin dusi hoṛ kurusrekin aka ocoakan tahẽkan unkin modre mitʼ hoṛ do Jisu siṛogadeteye menkeda, “Amge baṅ Mạsi do? Enḍekhan ma am ar ạliń bańcao bonme.”

Luk 23:18

Menkhan hoṛko do mitʼ jomkaote hohowateko menkeda, “Uni do pharakeme, ar Barabba aṛakʼaleme.”

Luk 23:14

“Ape do noa dusiyete iń ṭhenpe ạguakadea baṅma uni do raj upạrte hoṛkoe idiyetʼkoa. Menkhan iń do ape samaṅreń kuliakadea. Ar uni upạrte okako gohape emetʼkan ona reakʼ mitʼṭecʼte hõ dusireye paṛaokʼa mente jãhãn porman do bạń ńametʼtaea.

Mark 14:65

Unre adomko do hoṛmoreko thoadea ar uniyakʼ mẽtʼko betʼketʼtaea ar kilạukedeteko metadea, “Am do cetʼ nạbi kanam? Mase lạime okoeye dalketʼmea!” Ona tayom palṭonko do idikateko thapa baṛakedea.

Jesaea 3:5

Manwa do manwa, aḍepaseren hoṛko do aḍepaseren hoṛko santaokoa; kạṭicʼko do haṛamko upạrte ar nicạṛ hoṛ do manotan hoṛ upạrteko teṅgona.

Jobakʼ 30:2

Onkoakʼ ti reakʼ daṛe do cetʼ kaj reakʼ hoykokʼtińạ? One okoeyakʼ do bhor jion reakʼ daṛege atʼakantako.

Sereńko 119:51

Bạḍạiko do ińko landa dhutʼạń kana, menkhan amakʼ hukum khon thoṛa hõ iń do bạń ocokʼakana.