Jobakʼ 3:23 - সান্তালী বাইবেল

²³ Okoe manwawakʼ hor acʼ ṭhen danaṅge okoe do Isore eṭetʼ esetʼ akade, cedakʼ uni manwa do marsale emocokʼ kana?

Jobakʼ 3:23 Referans Kwoze

Jobakʼ 19:8

Ińakʼ hore eṭetʼ esetʼ akatʼtińte bạń parom daṛeakʼ kana; uni do ińakʼ sanam horko ńutteye dapal akatʼtińạ.

Rak̕joṅ 3:7

Alo jemoniń dạṛ daṛeakʼ onate beṛhaeteye esetʼ ạcurakadińạ; ar hamal sikṛiteye tol akadińạ.

Jesaea 40:27

E Jakob, cedakʼem meneda, E Israel, cedakʼem lạliseda, “Ińakʼ hor do Probhu ṭhen khon danaṅ akana ińakʼ hok reakʼ bicạr ńam lạgitʼ ińren Isor do bae moneyạń kana?”

Hosea 2:6

Ona iạte iń do jạnumkote uniyakʼ horiń esedtaea; ar uni beṛhaete hõń pạcri eseda jemon acʼakʼ hor aloe sendra ńam daṛeakʼ.

Rak̕joṅ 3:9

Hamal hamal dhirite ińakʼ hore esetʼ akatʼtińạ; ar ińakʼ horkoe konḍea akada.

Sereńko 88:8

Ar am do ińren hoṛko iń ṭhen khonem idiakatʼkoa; ar onko ṭhen do hirkhạwạnicʼem hoyoco akadińạ. Iń doń esetʼ akana, ar bạń oḍok hecʼ daṛeakʼ kana;

Sereńko 31:8

Bạirikoakʼ tire am do bam dohoakadińạ, bickom mitʼṭecʼ phaelao jaegarem teṅgo akadińạ.

Jobakʼ 19:12

Uniren bạiri khatarenko do iń upạrteko laha hijukʼ kana; ińre jhãp em lạgitʼ onko do pinḍhạko rakapʼ akada. Ar ińakʼ tạmbu beṛhaeteko esetʼ ạcur akadińạ.

Jobakʼ 12:14

Uniye rạputʼ giḍilere celege bako benao ruạṛa; ar jãhãe hoṛe siń esetʼlere celege bako jhijea.

Jobakʼ 19:6

enḍekhan baḍaepe, Isorge iń cetanreye behokeda; ar acʼakʼ jhạlire unigeye esetʼ ạcur akadińạ.

Jobakʼ 3:22

Onko do bebạṛicʼko hulạsokʼ kana, ar ạḍitetʼko rạskạkʼ kana topako ńellenre.

Jobakʼ 13:27

Biṛi paṭate jaṅga dom tolkạtińkana; ińakʼ sanam horkorem tolas edeńkana ar ińakʼ jaṅga talka beṛhaetem simạwạńkana.

Sereńko 88:9

Duk ar kosṭote ińakʼ mẽtʼ do dhund caba akantińạ. E Probhu Isor, dinạm hilokʼ amiń hohowam kana; iń do am secʼ tiyiń tiyạr akatʼtińạ.