Jobakʼ 3:14 - সান্তালী বাইবেল

¹⁴ Iń do rajko ar mukhiyạko sãoteń tahẽkokʼa ar okoe apnar lạgitʼ dalanko benaoletʼ ona do teheń dhaṅdhaser akana.

Jobakʼ 3:14 Referans Kwoze

Jobakʼ 15:28

Uni do dhaṅdhaser nagrahareye girobasokʼ kana; okaṭakʼ oṛakʼre celege bako tahenkan, ar oka oṛakʼ do dhaṅ dhaserokʼ lạgitʼ sapṛao akan, onḍege uni doe girobasokʼ kana.

Jeheskel 26:20

unre patal purite calakʼkan hoṛko sãote onko sedaeren hoṛko ṭheniń pheḍ idimea. Ar dhạrti khạndṛuṅ reakʼ jarkharakʼ talare patal purite calakʼkan hoṛko sãoteń girobas ocomea. Amre do ar celege bako girobasokʼa ar jiwetʼkoakʼ disạmre amakʼ ṭhạ̃i do ar baṅ hoyokʼtama.

Jesaea 58:12

Aperen hoṛko do sedae reakʼ jarkharakʼko cetanre arhõko benao rakaba ar lahateakʼ rehetʼ cetanre arhõko gathao ruạṛa; ar ape do dhasao bhit ar bosotokʼ lạgitʼ kulhi jujutkope ńum ocokʼa.

Jesaea 5:8

Hae ape do, one okoe do oṛakʼ sãote oṛakʼ ar khet sãote khetpe toṅge idiyetʼkan; sesre eṭakʼko lạgitʼ jãhãn ṭhạ̃ige baṅ tahena, ar ape eskarge disạmrepe girobasokʼa.

Sosolhayic̕ 8:8

Hoe cetʼleka okoehõ bako sapʼ ṭarhao daṛeakʼ ar lạṛhại jokhecʼ cetʼleka okoehõ chuṭi bako ńam, onkage gujukʼ din cetanre okoeyakʼ hõ ektiạri do bạnukʼa. Bedhoromkoakʼ bedhoromtetʼ hõ ona khon do bae rukhiyạ daṛeakoa.

Sereńko 89:48

Okoe kanae uni daṛean hoṛ do, okoe do jiwetʼge menae ar bae gujukʼ? Nonkan okoe menakʼkoa, okoe do patal puri khon apnarteye rukhiyạ daṛekokʼ? (Sela)

Sereńko 49:14

Bhiḍi palko cetʼleka niṭ akatʼ khạṛreko idi ocokʼ, onkage niṭ akatʼ patal purire onko hoṛ hõko idi ocokʼa; onḍe do gujukʼge onkoren gupiyicʼe hoyokʼa. Din reakʼ etohopʼrege Isor botoraekan hoṛ do onko cetanreko jitạukʼa; ar patal puri do onko hoṛkoakʼ hoṛmoe jomtakoa; onkoakʼ tahen reakʼ jaega do ar cetʼge baṅ tahena.

Jobakʼ 30:23

Baḍaegeạń am do gujukʼ secʼem idiyedeń kana, sanam jiwetʼ hoṛko lạgitʼ dohoakatʼ ṭhạ̃item idiyedeń kana.

Jobakʼ 12:17

Uni do sosolhakoakʼ kicricʼ totʼkate onkoe bondikoa ar bikʼcạrko do lelhae hoyocokoa.

1 Rapajko 11:43

Ona tayom uni do acʼren hapṛamko ṭhene calaoena. Ar acʼren apat Dạudakʼ nagrahareko topakadea. Ona tayom acʼren hopon Rehobiam do uni bodolteye rajena.

1 Rapajko 2:10

Inạ tayom Dạud do acʼren hapṛamko ṭhene calaoena ar uni do Dạudakʼ nagrahareko topakedea.

Jobakʼ 12:18

Uni do rajakʼ kicricʼe recʼ hataoa ar uniye bondiyea.

Jesaea 14:18

“Jạt jạtren sanam rapajko do ṭhonokreko giticʼakana, onkoakʼ apan ạpin topare.

Jesaea 22:16

‘nonḍe do cetʼem ceka kana? Ar nonḍe amakʼ topa lae lạgitʼ, usul jaegare amakʼ topa ṭhạ̃i ṭhik lạgitʼ, ar buru kholaokate jirạukʼ jaega benao lạgitʼ ạidạri do okoeye em akatʼmea?