Jobakʼ 29:7 - সান্তালী বাইবেল

⁷ “Tinre nagraha reakʼ phaṭok duạr ṭheniń senokʼkan tahẽkana ar onḍenakʼ kulhi dobạṭiạkore duṛupʼakʼ iń benaoetʼ tahẽkana,

Jobakʼ 29:7 Referans Kwoze

Sakariạ 8:16

Niạko hukum do manao hoyokʼtapea. Ape do eṭakʼko ṭhen sạriyakʼ kathape roṛa ar apeakʼ adalotre hok reakʼpe bicạra jemon hoṛko talare suluk hoyokʼ;

Rut reakʼ kạhini 4:11

Unre okoe do phaṭok duạr ṭhenko duṛupʼ akan tahẽkan murubbiko menkeda, “Hẽ, ale do gohale hoyena. Ar okoeṭakʼ maejiu do amakʼ oṛakʼteye calakʼkan Probhu Isor do jemon Rahel ar Lea lekae hoeocoye, one okoe do Israel jạtrenkoe benao rakapʼletʼko. Ephratare am do dhon durib hameṭjoṅ me ar Bethlehem ren sanamko do amakʼ ńutumko ńumtama.

Dosar Biboron 16:18

“Aperen Probhu Isor okaṭakʼ ato ar nagrahae emape lạgidokʼkan ona reakʼ mimitʼ goṭecʼ lạgitʼ bikʼcạrko ar sordarkope dohokoa. Onko do hok reakʼ lekate hoṛkoakʼko bicạr chinḍạukatakoa.

Jobakʼ 31:21

bicạrre ińakʼ ektiạri menakʼ iạte ṭũạr amarko cetanre tiyiń rakapʼ akatʼtiń khan,

Dosar Biboron 21:19

enḍekhan uniren go-baba do ạkinakʼ ato se nagraha reakʼ phaṭok duạrre murubbiko ṭhenkin idiyea.

Jobakʼ 29:8

unre juạnko do iń ńelteko gusạukʼkan tahẽkana ar haṛam hoṛ doko teṅgokʼkan tahẽkana;

Kạhtukko 8:3

Nagrahate calakʼ horre phaṭok-duạr ṭhen uni do ãṭ aṛaṅteye mena,

Jirimiạ 38:7

Unre raj oṛakʼren mitʼṭen cạkrạ Kusi Ebed Melek doe ańjomkeda, Jirimiạ do kuńreko giḍi akadea. Ar raj do unre Benjạmin reakʼ phaṭok duạrreye duṛupʼ akan tahẽkana.

Genesis 19:1

Enhilokʼge ạyupʼ jokhecʼ unkin serma goḍet do Sodom nagrahatekin seṭerena. Lot do unre nagraha reakʼ phaṭok duạr ṭhene duṛupʼ akan tahẽkana. Unkin ńelte uni doe beretʼena ar otre ombakʼkate ḍobokʼatʼkinteye menkeda,

Genesis 34:20

Ona iạte nagraha reakʼ phaṭok duạr ṭhen senkate Hamor ar uniren hopon Sikem do onḍenko hoṛkin metatʼkoa,

Kạhtukko 31:23

Uniren jãwãe do nagraha reakʼ duạrre manote ńameda; onḍe uni do murubbiko tulucʼe duṛupʼkana.