Jobakʼ 28:1 - সান্তালী বাইবেল

¹ “Rupạ reakʼ do khạn menakʼa ar sona nirại ocoy reakʼ hõ ṭhạ̃i menakʼa.

Jobakʼ 28:1 Referans Kwoze

1 Patras 1:7

Noako biḍạu do hijukʼgea jemon apeakʼ biswạs khạṭi mente sạbudokʼtape, ar onate Jisu Mạsiye sodorokʼre ape do sarhao, ṭhonok ar manotpe ńama. Okaṭakʼ sona do heṛ idikʼ ona hõ seṅgelre khạṭi ocoy hoyokʼa; menkhan apeakʼ biswạs reakʼ dam do ona sona khon hõ artetʼ sorosgea.

Jesaea 48:10

Ńelpe, seṅgelreń khadlepea, menkhan ape do rupạ leka nirại do bape oḍok hecʼakana; iń do duk reakʼ bhaṭareń biḍạu aṭkar akatʼpea.

Kạhtukko 17:3

Rupạ biḍạu aṭkar lạgitʼ do galao reakʼ jinis menakʼa ar sona biḍạu aṭkar lạgitʼ jinis do culhạ, menkhan manwa ontor do Probhu Isorgeye biḍạu aṭkara.

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Kạhtukko 27:21

Rupạ biḍạu aṭkar lạgitʼ do galao reakʼ jinis menakʼa, ar sona lạgitʼ do culhạ, menkhan manwa do acʼakʼ sarhaoakʼreye biḍạu oromokʼa.

Sereńko 12:6

Probhu Isorakʼ katha do nirạ kathako kana; ona do seṅgelte rapakʼ sapha akatʼ rupạ leka, ar eae dhao galao akatʼ rupạ lekage.

1 Rapajko 10:21

Solomonakʼ ńuńuwakʼ sanam bhajanko hõ sona reakʼ ar Lebanon bir oṛakʼ reakʼ sanam bhajanko hõ khạṭi sonate benao tahẽkana. Rupạ reakʼ benaoakʼ do cetʼge baṅ tahẽkana, ente Solomonakʼ oktere rupạ reakʼ dam ḍher do baṅ tahẽkana.

Genesis 24:22

Ũṭko dakʼe ńũ sạtatʼko khan uni guti do turui gram ojon sona reakʼ mitʼṭecʼ mạkṛi ar banar ti lạgitʼ barsae gram ojon sona reakʼ barea sakom oḍokkate Rebekae caladeteye kulikedea,

Genesis 23:15

“Am do ińakʼ katha ańjomme. Ona jumi reakʼ dam do ponsae sekel rupạ, menkhan iń ṭhen se am ṭhen ona do cetʼge baṅkana. Am do boroṅ senkate onḍege amren bạhu topakaeme.”

Jobakʼ 27:23

Ona hoe do cigạriateye thayoya, ar onkoakʼ ṭhạ̃i khon sũ sũkateye laga oḍokkoa.

Jobakʼ 28:2

Hasa khon mẽṛhẽtʼko la totʼeda, ar tamba do gitil dhiri khonko galao totʼeda.