Jobakʼ 27:6 - সান্তালী বাইবেল

⁶ Dhoromiń sapʼ uricʼ akada, ar bạń aṛakʼ gotʼkakʼa. Tinạkʼ din jiwetʼ iń tahen unạkʼ din inạkʼ bibek do iń bae dusiyińạ.

Jobakʼ 27:6 Referans Kwoze

Jobakʼ 2:3

Unre Probhu Isor do Soetane metadea, “Ińren guti Job secʼem kheyal akada? Dhạrtire uni lekan ar celege bạnukʼkoa. Uni do bin dusạn are dhoromgea. Uni do ińe botorạń kana ar bạṛicʼakʼ khon sạṅgińreye tahenkana. Ar ńit hạbicʼ uni do jãhãnakʼ bae dos akatʼre hõ ạuṛiyakʼte uniyakʼ bạṛicʼ lạgitʼem uskurediń kana.”

Aposkạmi 24:16

Onate iń do Isor ar manwako samaṅre jaoge ińakʼ bibek sapha dohoy reakʼ iń kurumuṭuyeda.

2 Korinthiko 12:11

Iń do bebujgeń hoyakana, menkhan apegepe jormoṭkedińa; ente apege sarhaoiń reakʼ lek tahẽkantapea. Ar cele hõń baṅkanre hõ enhõ aperen onko “Soros utạr” apostolko khon cetʼte hõ bạń komaoa.

Kạhtukko 4:13

Solha sapʼ dohoyme, alom bạgiyakʼa; ona rukhiyạime, ente onage amakʼ jion kana.

Jobakʼ 6:29

Hudis ruạṛpe, behokko do alope hoyokʼa; arhõ hudispe, ente iń do ńithõ dhoromge minạńa.

Jobakʼ 13:18

Ińakʼ roroṛteakʼ do ńit iń ṭhik dohoakada, onateń baḍaea, iń do dhorom menteń ṭarhaokʼgea.

Jobakʼ 27:7

“Ińren bạiri do dusṭạmi hoṛ lekako hoyokʼma; iń upạrte teṅgonicʼ do bedhoromicʼ lekae hoyokʼma.

Jobakʼ 29:14

Dhorom do kicricʼ lekań horokʼetʼ tahẽkana, ar bhage bicạr do oyonakʼ ar dạṛhiteakʼ lekage tahẽkana;

Jobakʼ 31:6

Khạṭi tulạte Isor do ińe soṅeńma, enḍekhane baḍae daṛeakʼa, iń doń miridosgea.

Jobakʼ 32:1

Job acʼakʼ mẽtʼre dhorome hudisokʼkante onko pene hoṛ do Job roṛ ruạṛaeko thirena.

Jobakʼ 32:2

Onate Ram gharońjren Busi hoṛ Barkelren hopon Elihu do Job cetanre ạḍiye raṅgaoena, ente Job do Isor lekage dhorome hudisokʼkan tahẽkana.

Jobakʼ 40:8

Am do cetʼ ińakʼ bicạrem bhoṭetʼtińa? Ińgem dusiyediń kante cetʼ am do dhoromem ṭarhaokʼ kana?

Jobakʼ 17:9

Menkhan dhorom hoṛ do akoakʼ horteko laha idikʼa, ar okoeyakʼ ti saphage onko do dinke dinko daṛe idikʼa.

Jobakʼ 31:7

Bạricʼ horteń taṛam akatʼ khan, ar ińakʼ mẽtʼ do ontore kại ocoakatʼtiń khan, se ińakʼ tire kại reakʼ jãhãn dag lạṭkao akan khan,