Jobakʼ 27:5 - সান্তালী বাইবেল

⁵ Ape je, ṭhikpe roṛetʼkan ona do tishõ bạń aṅgoca; ińakʼ gujukʼ din hạbicʼ iń mena, iń do sạriyakʼ kathageń roṛetʼkana.

Jobakʼ 27:5 Referans Kwoze

Jobakʼ 2:9

Unre uniren bạhu doe menkeda, “Am do cetʼ ńitokʼ hõ bin dusigeam mentem dạbiyetʼkana? Isor dusiyete gujukʼme baṛe.”

Jobakʼ 13:15

Ńelpe, uni doe gocʼ giḍikạńre hõ enhõ uni cetanre asiń dohoya; ar khạṭige uni samaṅre coloniń sojhetińa.

Galathiko lạgitʼ Pạul Apostolakʼ ciṭhi 2:11

Patras do Siriạ Prodes reakʼ Antiokiạteye hecʼen khan, samaṅregeń roṛ daramkedea, ente uni doe behok akatʼ tahẽkana.

Kạhtukko 17:15

Bạṛicʼicʼ dhorom metae hoṛ ar dhoromicʼ bạṛicʼ metae hoṛ, Probhu Isor do unkin banargeye hirkhawạkin kana.

Jobakʼ 42:7

Job do niạko kathae roṛketʼ khan Probhu Isor do Timani Eliphase metadea, “ińren guti Job cetʼlekae menakatʼ am ar amren gateko do iń reakʼ ṭhikakʼ do bape roṛakada; ona iạte ape cetanre edrete pit caṛhao akantińạ.

Jobakʼ 32:3

Uni do onko pene gateko cetanre hõ ạḍiye edreyena, ente onko do Jobakʼ katha reakʼ roṛ ruạṛ bako emdaṛeakʼ kan tahẽkanre hõ uniko dusiyede tahẽkana.

Jobakʼ 29:14

Dhorom do kicricʼ lekań horokʼetʼ tahẽkana, ar bhage bicạr do oyonakʼ ar dạṛhiteakʼ lekage tahẽkana;

Dosar Biboron 25:1

“Hoṛko talare jhogṛa jhạṭi hoylenre ar adalot hạbicʼ senlen khan bikʼcạrko do bin dusiyicʼ do bin dusi ar dusiyicʼ do dusi menkateko bicạr chinḍạukatakoma.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Jobakʼ 2:3

Unre Probhu Isor do Soetane metadea, “Ińren guti Job secʼem kheyal akada? Dhạrtire uni lekan ar celege bạnukʼkoa. Uni do bin dusạn are dhoromgea. Uni do ińe botorạń kana ar bạṛicʼakʼ khon sạṅgińreye tahenkana. Ar ńit hạbicʼ uni do jãhãnakʼ bae dos akatʼre hõ ạuṛiyakʼte uniyakʼ bạṛicʼ lạgitʼem uskurediń kana.”

Jobakʼ 6:29

Hudis ruạṛpe, behokko do alope hoyokʼa; arhõ hudispe, ente iń do ńithõ dhoromge minạńa.

Jobakʼ 31:6

Khạṭi tulạte Isor do ińe soṅeńma, enḍekhane baḍae daṛeakʼa, iń doń miridosgea.

Jobakʼ 32:1

Job acʼakʼ mẽtʼre dhorome hudisokʼkante onko pene hoṛ do Job roṛ ruạṛaeko thirena.

Jobakʼ 32:2

Onate Ram gharońjren Busi hoṛ Barkelren hopon Elihu do Job cetanre ạḍiye raṅgaoena, ente Job do Isor lekage dhorome hudisokʼkan tahẽkana.

Jobakʼ 17:9

Menkhan dhorom hoṛ do akoakʼ horteko laha idikʼa, ar okoeyakʼ ti saphage onko do dinke dinko daṛe idikʼa.

Jobakʼ 31:7

Bạricʼ horteń taṛam akatʼ khan, ar ińakʼ mẽtʼ do ontore kại ocoakatʼtiń khan, se ińakʼ tire kại reakʼ jãhãn dag lạṭkao akan khan,

Jobakʼ 33:9

Amem meneda, ‘iń doń saphagea, ińakʼ do jãhãn kạige bạnukʼtińạ; iń doń dhoromgea, ińre jãhãn dosge bạnukʼa.