Jobakʼ 27:2 - সান্তালী বাইবেল

² “Okoe ińakʼ hoke hatao akatʼtiń uni jiwetʼ Isor ńutumteń kiriạkʼkana, okoe ińakʼ jiwiye hewer haṛhatʼ akatʼtiń uni sanam daṛeanicʼ ńutumte kiriạkateń meneda,

Jobakʼ 27:2 Referans Kwoze

Jobakʼ 34:5

“Job doe meneda, ‘iń doń miridosgea, menkhan Isor do hok reakʼ bae bicạr akatʼtińạ.

2 Rapajko 4:27

Menkhan maejiu do Karmel burure Isorren hoṛ ṭhen seṭerkate uniyakʼ jaṅgareye giḍiyena. Gehosi do uni ocoge lạgitʼe hecʼen khan Isorren hoṛe menkeda, “Uni do alom ocogea. Uniyakʼ monre ạḍi duk menakʼtaea, menkhan Probhu Isor do iń ṭhen khon onae danaṅ akada, ar bae lại akawạdińa.”

Numeri 14:21

Menkhan ińiń jiwetʼge noa katha cetʼleka sạrikan onkage goṭa dhạrti hõ ińakʼ ṭhonokte perecʼgea ar noa cetʼleka sạrikan onkage,

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?

Jirimiạ 12:16

Mitʼdin onko do ińren hoṛko Bakʼal debota ńutumteko kiriạ ocoletʼkore hõ enhõ jodi ińren hoṛkoakʼ horteko taṛam ar ‘Jiwetʼ Probhu Isor ńutumteko kiriạkʼ, enḍekhan onko do ińren hoṛko talareko benao rakapʼa.

Jirimiạ 5:2

Ar onkoko men, ‘jiwetʼ Probhu Isor ńutumteń kiriạkʼ kana,’ enhõ onko do eṛe eṛeko kiriạkʼ kana.”

Jirimiạ 4:2

ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

Jesaea 40:27

E Jakob, cedakʼem meneda, E Israel, cedakʼem lạliseda, “Ińakʼ hor do Probhu ṭhen khon danaṅ akana ińakʼ hok reakʼ bicạr ńam lạgitʼ ińren Isor do bae moneyạń kana?”

Jobakʼ 10:3

Iń kosṭom imạńte amakʼ do cetʼ lab? Amakʼ ti teakʼ kạmi do cetʼem nihạ̃t giḍikakʼa ar bạṛicʼkoakʼ ponthako dom kusiyakʼa?

Jobakʼ 9:18

Uni do bae sahẽtʼ ocowạń kana bickom haṛhatʼte ińakʼ jiwiye perecʼetʼ tińạ.

1 Rapajko 18:15

Eliại menkeda, “Iń okoeyiń sewawae kan, metakʼme sanam daṛeanicʼ jiwetʼ Probhu Isorre kiriạkateń meneda, iń do khạṭige teheń do Ahab samaṅreń hạjirokʼa.”

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

2 Samuel 2:27

Joabe roṛ ruạṛkeda, “Jiwetʼ Isorre kiriạkateń meneda, am bam roṛlere hõ setakʼrege hoṛko do amren boeha khudạuko thirkokʼa.”

1 Samuel 25:34

Amakʼ loksan khon okoe do sạṅgińreye doho akadiń uni Israelren jiwetʼ Isor ńutumte kiriạkateń meneda, usạrate hecʼkate iń sãote bam ńapamlen khan setakʼ hạbicʼ Nabalakʼ oṛakʼren cele herel hoṛge jiwetʼ do bako tahẽkokʼa.”

1 Samuel 25:26

“E ińren mạlik, jiwetʼ Probhu Isor ńutumte ar am ńutumteń kiriyạkʼ kana, amren bạiriko ar okoe do amakʼ loksan lạgitʼko kurumuṭui onkoakʼ dosa do Nabal leka hoyokʼtakoa, ente Probhu Isor do apnar tite hala hạli reakʼe akoṭ akatʼmea.

1 Samuel 20:21

Ona tayom mitʼṭen koṛa niạ menkate liń kolea, ‘Do, sarko sendra ạguiyme.’ Ar unre liń menle khan, ‘sarko iń secʼre menakʼa, ạguiyme.’ Enḍekhan aben doben hijukʼa, ente jiwetʼ Isor ńutumte liń metaben kana aben doben khạtirjomagea, ar botor do bạnukʼanaṅ.

1 Samuel 14:45

Menkhan hoṛko do Sạulko metadea, “Okoe iạte Israelko niạ maraṅ bańcaoko ńamakatʼ uni Jonathan do cetʼ gujukʼ hoyokʼtea? Tisge baṅa; jiwetʼ Isor ńutumtele kiriạkʼ kana, uniyakʼ mitʼṭecʼ upʼ hõ otre do baṅ ńurokʼtaea, ente uni teheń okae ceka akatʼ ona do Isor sãote tahẽkategeye onka akada.” Nonkate hoṛko do Jonathanko rukhiyạkedea, ar uni do bae gocʼ ocolena.

1 Samuel 14:39

Israelkoren babańcaoicʼ jiwetʼ Probhu Isor ńutumteń kiriạkʼ kana, ińren hopon Jonathan hõ onae onka akatʼ khan khạṭige uni hõ gujukʼ hoyokʼtaea.” Menkhan hoṛko do jotoge hape akanko tahẽyena.

Rut reakʼ kạhini 3:13

Teheń ńindạ do nonḍege tahenme. Ar uni do gapa setakʼge amakʼ dạyik hataoe rạjikʼ khan tobe ma bhagege; are onka ocoange. Menkhan bae rạjikʼ khan iń do jiwetʼ Probhu Isor ńutumte kiriạkateń meneda, amakʼ dạyik iń hataoa. Ar am do ạuri setagokʼ hạbicʼ nonḍege giticʼ akan tahenme.”

Jobakʼ 16:11

Isor do bedhorom hoṛko ṭhene soprot akadińạ; bạṛicʼ hoṛkoakʼ tireye capatʼ khadle akadińạ.

Jobakʼ 19:6

enḍekhan baḍaepe, Isorge iń cetanreye behokeda; ar acʼakʼ jhạlire unigeye esetʼ ạcur akadińạ.

Jobakʼ 23:16

Isor do ińakʼ mone latwakʼ akatʼtińạ; sanam daṛeanicʼ do ạḍiye botor ocoakadińạ.

Jobakʼ 35:2

“Amem meneda Isor samaṅre am dom miridosgea, ona katha do cetʼ ṭhikgem hudisetʼ kana?

Jobakʼ 40:8

Am do cetʼ ińakʼ bicạrem bhoṭetʼtińa? Ińgem dusiyediń kante cetʼ am do dhoromem ṭarhaokʼ kana?

Jobakʼ 9:17

Uni do birbãoteye gejer lạhutʼkedeńạ ar ạuṛiyakʼte uni doe dal ghaoeń kana.