Jobakʼ 26:7 - সান্তালী বাইবেল

⁷ Utạr reakʼ rimil do phaelaoreye pasnaoeda; ar phaelao jaegare dhạrti doe aka dohoakada.

Jobakʼ 26:7 Referans Kwoze

Jobakʼ 9:8

Uni do eskarte sermakoe pasnaoeda ar jalapuri reakʼ ḍheoko cetanteye taṛameda.

Jesaea 40:22

Prithimi cetan reakʼ sermare unige siṅghạsonreye duṛupʼ akana, dhạrtiren hoṛko do sosrocʼ leka kanako. Orwal leka uni do sermae pasnao akada, tahen lạgitʼ tạmbu leka onae ṭaṅgao akada.

Jesaea 42:5

Probhu Isor do serma sirjạukateye bel akada; uni do dhạrti ar onare oka janamokʼ onakoe aṭetʼ akada; uni do onare tahenkan hoṛko sãhetʼe emako kana ar onḍe okoeko dãṛãnkan onko do jiue emakokana. Uniye meneda,

Sereńko 24:2

ente unige khạndri dakʼ cetanre ot reakʼ rehetʼe gathaokeda, ar ona ot ar hasa latar reakʼ dakʼ cetanreye sapʼ dohokeda.

Jesaea 40:26

Coṭ secʼ beṅgetʼ rakabpe ar ńelpe; noako do okoeye sirjạu akada? Unige ipilko do mimitʼ mimitʼteye oḍoketʼkoa; unige onko mimitʼko ńutum ńumkateye hohowako kana. Uniyakʼ napṛakʼtetʼ ar maraṅ daṛete onkoren mitʼṭen hõ bako adokʼ kana.

Jobakʼ 38:6

Cetʼ cetanre dhạrti reakʼ tham khunṭiko do bitʼ ṭarhao akana? Uniyakʼ konac reakʼ dhiri do okoeye bạisại akada?

Sereńko 89:12

Utạr ar dạkhin do amakʼ sirjạukangea; Tabor ar Hermon buru do am iạte rạskạte kin sereńeda.

Sakariạ 12:1

Noa kangea Israel babotre Probhu Isorakʼ katha do. Probhu Isor, one okoe do sermae aṭetʼ akatʼ, okoe do dhạrti reakʼ rehetʼe bạisạu akatʼ, okoe do manwa bhitrire Jiue sirjạuakawade, uniye meneda,

Sereńko 89:13

Amakʼ ti do ektiạrite perecʼgea; amakʼ tire do daṛe menakʼa, ar amakʼ jojom ti reakʼ daṛe do ohoge tulạulena.

Jesaea 40:21

Ape do cetʼ bape baḍaea? Ape do cetʼ bape ańjomeda? Pạhil khonge cetʼ onako katha do baṅ lại akawatʼpea? Dhạrti rehedokʼ khonge cetʼ bape bujhạu akada?