Jobakʼ 26:12 - সান্তালী বাইবেল

¹² Uni do acʼakʼ daṛete jalapuriye ạulạ ạuli ocoyeda; acʼakʼ budte uni do Rahabe chaka chunekana.

Jobakʼ 26:12 Referans Kwoze

Jesaea 51:15

Ińge Probhu, aperen Isor do. One jalapuriń leoḍalere ona do ḍheokote hud hudạukʼkan. Ińakʼ ńutum do phạdkoren Probhuge.

Jirimiạ 31:35

Okoe do sińre siń cando, ńindạ do ńindạ cando ar ipilko marsal emokʼ lạgitʼe hukumako, ar okoe do jalapuriye lebḍayetʼkan jemon onako reakʼ ḍheoko hud hudạukʼ, ar okoeyakʼ ńutum do phạdkoren Probhu Isorkan,

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Jobakʼ 12:13

“Menkhan akel ar daṛe do Isor ṭhenge menakʼa; sopolha ar buj hõ uni ṭhenge.

Jobakʼ 9:13

Isor do acʼakʼ edre bae or ruạṛtaea; dakʼren danob Rahabren gokʼṛoko hõ uni ṭhen doko jaṅga latarokʼa.

Jakob 4:6

Menkhan Isorakʼ daya do arhõ ḍhergea. Onate sonot sostorre ol menakʼa, “Isor do phulạukʼkanko upạrteye teṅgona, menkhan mạ̃hirko doe bhorakoa.”

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Jesaea 2:12

Phạdkoren Probhu Isor do gorbokʼ ar bạḍại udukʼetʼ hoṛko ar cetanre menakʼko onko sanamko lạgitʼ mitʼṭecʼ dine ṭhik dohoakada; enhilokʼ do jotogeko tumbutʼ ocokʼa.

Sereńko 74:13

Amakʼ daṛetege am do jalapurim bar hạṭiń akada; amge jalapurire dakʼ maṅgaṛkoakʼ bohokʼem gejer akatʼtakoa.

Sereńko 29:10

Probhu Isor do maraṅ ḍubạ dakʼre raj akane tahẽkana; uni do jaejugren raj kanae, uni do siṅghạsonre menaea.

Jobakʼ 26:11

Serma reakʼ khunṭiko do dal dalaokʼkana, ar uniyakʼ dhomkaote hõ thar tharaokʼkana.