Jobakʼ 24:4 - সান্তালী বাইবেল

⁴ Reṅgecʼ orecʼko do hor khonko laga ńiretʼkoa; onko iạte disạmren sanam reṅgecʼko doko okokokʼkana.

Jobakʼ 24:4 Referans Kwoze

Kạhtukko 28:28

Bạṛicʼ hoṛkoakʼ tire ektiạri calaolen khan hoṛ doko okokʼa, menkhan onko bạṛicʼ hoṛko maraolen khan dhorom hoṛko ḍherokʼa.

Amos 2:7

Onko do dhuṛiko eretʼkan lekage reṅgecʼ hoṛko eretʼkoa ar nandanko do hor khonko ṭhelao ocokʼetʼkoa. Apat ar hopon do ini mitʼ maejiu sãotegekin laṭghaṭetʼ kana ar nonkate onko do ińakʼ sonot ńutumko besonotetʼtińạ.

Jobakʼ 24:14

Khuniạhi do ńut tahenrege beretʼkate reṅgecʼ orecʼkoe gocʼetʼkoa, ar ńindạ jokhecʼ doe kombṛoyeda.

Jeheskel 22:29

Disạmren hoṛ doko jor jukʼlum kana arko rerecʼkana; reṅgecʼ orecʼko cetanreko behoketʼ kana ar dhorom bicạr baṅkate bidisiạko cetanreko sasantao kana.

Jeheskel 18:18

Menkhan uniren apattetʼ do apnarakʼ kại iạtegeye gujukʼa, ente uni do jor julumkate ṭakae ạdạiyetʼ tahẽkana, boehawakʼ jiniskoe kombṛoyetʼ tahẽkana ar acʼren hoṛko talare behokakʼe kạmiyetʼ tahẽkana.

Jeheskel 18:12

uni do reṅgecʼ ar laṅgaṭkoe santaoetʼko are kombṛoyetʼkan ar bondhok jinisko bae ruạṛkatako kan, uni do boṅgakoe sewawakokante hirkhạwakʼe kạmikan;

Kạhtukko 30:14

Onkoakʼ ḍaṭa do tarwaṛe leka ar jambe do churi leka, jemon onko do dhạrtiren reṅgecʼ orecʼko ar nacarko manwa tala khonko marao daṛeako.

Kạhtukko 28:12

Dhorom hoṛko ektiạriko ńamle khan sanam hoṛakʼ bhạlại hoyokʼa, menkhan bạṛicʼ hoṛkoakʼ tire ektiạri calaolen khan hoṛko bako ńamokʼa.

Kạhtukko 22:16

Dhon lab lạgitʼ okoe hoṛ reṅgecʼkoe santaoko se okoe hoṛ kisạ̃ṛkoe danako unkin banar hoṛge ṭonṭare kin paṛaokʼa.

Sereńko 109:16

Onko do dayakʼ reakʼ katha tisge bako disạleda, bickom nacar reṅgecʼ hoṛ gocʼko lạgitʼko santaoetʼko tahẽkana.

Sereńko 41:1

Bhạgangeae uni hoṛ, okoe do nacarko lạgitʼe dạndikʼkan; akalre Probhu Isor do uniye bańcaoea.

Jobakʼ 31:16

“Reṅgecʼ orecʼko bạń beṅgetʼ akatʼko khan se rạnḍi maejiukoń as chuṭạu ocoakatʼko khan,

Jobakʼ 30:25

Okoe dukreko paṛao akan onko lạgitʼ do cetʼ bạń rakʼleda? Reṅgecʼ orecʼko lạgitʼ do cetʼ jiwi baṅ duklentińạ?

Jobakʼ 29:12

ente goṛo ńam lạgitʼ okoe reṅgecʼ hoṛko rakʼetʼ tahẽkan ar ṭũạr amarkoren cele gokʼṛokoge bako tahẽkan, onko doń rukhiyạyetʼko tahẽkana.

Jobakʼ 29:16

Reṅgecʼ orecʼko lạgitʼ do eṅga-apageń tahẽkana, ar ạnạṛi hoṛkoakʼ mamblako hõń ńel todarotetʼ tahẽkana.

Jobakʼ 31:19

Jãhãege kicricʼ khạnḍwạkʼ begorte gujukʼ iń ńel akatʼko khan se laṅgaṭ hoṛko koṭogeń ńel akatʼko khan,

Kạhtukko 14:31

Okoe reṅgecʼ hoṛe santaoko uni do sisirjạuicʼe henostawae kana, menkhan okoe hoṛ okulankoe dayawako uni do acʼren sisirjạuicʼe manotea.

Amos 4:1

E Samariạ buru cetan reakʼ Basonren mãṛ bitkilko, ańjompe baṛe. Ape do reṅgecʼ hoṛpe santaoetʼkoa ar nandanko dope lebetʼ jạuetʼkoa ar aperen jãwãe dope metakokana, “Bubulakʼ ạgualepe.”