Jobakʼ 24:23 - সান্তালী বাইবেল

²³ Uni do bedhoromko khạtirjomae jirạu ocokoa, menkhan uniyakʼ mẽtʼ do onkoakʼ hore ńel horetʼtakoa.

Jobakʼ 24:23 Referans Kwoze

Kạhtukko 15:3

Probhu Isorakʼ mẽtʼãhã do sanamko secʼge menakʼa; ona do boge ar bạṛicʼ hoṛkoe tunkhiyetʼkoa.

Johan sodor 2:23

Ar uniren gidrạko hõń gocʼ giḍikakoa. Onate sanam manḍerrenko baḍae daṛeakʼa, ińkangeạń manwakoakʼ mon ar ontor ḍunḍhạuicʼ do. Ar apeakʼ kạmiko leka mitʼke mitʼ hoṛ do joń emapea.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.

Luk 12:45

Menkhan uni sordar do acʼakʼ monreye menle khan, ‘ińren kisạ̃ṛ do hijukʼe bilomeda.’ Ar unre uni do sãoten guti ar kạ̃ṛmĩkoe dalkote jom-ńũkate bulokʼe ehobokʼ.

Habakkuk 1:13

Am do nunạkʼgem khạṭigea je, am do bạṛicʼakʼ secʼ beṅgetʼ hõ bam beṅgetʼeda ar behokakʼ hõ bam sahao daṛeakʼ kana. Enḍekhan cekate onko bepạtiạr hoṛ do bhage mẽtʼtem ńeletʼkoa? Dusṭạmi hoṛ do tinre ako khon hõ bhage hoṛko tạhuṛetʼkoa unre cedakʼ am do hape akanem tahenkana?

Amos 9:2

Onko do Sheol hạbicʼko la bololenre hõ ińakʼ ti do onḍe khon hõe oḍok ạgukoa. Ar coṭ sermateko rakapʼlenre hõ onḍe khoniń pheḍ ạgukoa.

Amos 8:7

Probhu Isor, okoe doe Jakobren ṭhonokanicʼ kan, uni do kiriạkateye meneda, “Onko okako kạmi akatʼ ona do tishõ bạń hiṛińokʼa.

Jesaea 56:12

Onkoko meneda, “Dela hijukʼpe, darkha rasa bo ạgujoṅa; dela, bubulakʼkote bon ńũ turedokʼa. Teheń khon gapa do arhõ mońj hoyokʼa.”

Sosolhayic̕ 8:11

Dusṭạmi kạmi reakʼ sạjại usạrate baṅ emawako khan hoṛkoakʼ mon do bạṛicʼakʼ kạmi lạgitʼ artetʼ tearokʼtakoa.

Sosolhayic̕ 5:8

Amakʼ elakaren jãhãe reṅgecʼ hoṛ santao ocokʼem ńellere se jãhãe hoṛakʼ hok reakʼ bicạr ar hok reakʼ ạidạri bae ńametʼkanem ńellere alom botorokʼa, ente mitʼ kạmiạyicʼ cetanre maraṅ ar mitʼ kạmiạyicʼ menaea ar unkin banahoṛ cetanre arhõ maraṅ kạmiạyicʼ menaea.

Kạhtukko 5:21

Manwakoakʼ dãṛãn do Probhu Isorakʼ mẽtʼãhã samaṅre menakʼa; onkoakʼ sanam horko uni doe tạnkhiyeda.

Jobakʼ 12:6

Luluṭkoakʼ tạmbure jãhãn gulmalge bạnukʼa; Onko do Isorko edre ocoyedere hõ khạtirjomako tahenkana; Isorge onko do jotowakʼe emako kana.

Jobakʼ 11:11

Uni do bhõnḍ hoṛko khạṭigeye orom akatʼkoa; bạṛicʼ jãhãnakʼe ńelle khan uni do cetʼ bae ạribạndhiya?

Jobakʼ 10:4

Amakʼ mẽtʼkin do cetʼ harta reakʼ mẽtʼkana? Manwa leka cetʼ am hõm ńeńelkangea?

Jobakʼ 31:4

Uni do cetʼ ińakʼ dãṛãnko bae ńeleda? Ińakʼ taṛamko reakʼ cetʼ bae lekhayeda?

Jobakʼ 34:21

“Isorakʼ mẽtʼ do hoṛakʼ horkorege menakʼtaea; onkoakʼ mimitʼ taṛamko uni doe ńeletʼtakoa.

Sereńko 119:168

Amakʼ ạn ạriko ar sanam kathań senakʼkana, ente ińakʼ jion reakʼ jotowakʼgem baḍaea.

Sereńko 10:5

Uni do jitạu reakʼ horte jaogeye laha idikʼkana; uniyakʼ mẽtʼ do amakʼ ḍanṭao bae ńel ńama, ente ona do ạḍi coṭgea; ar acʼren sanam bạiriko doe neṅghaoetʼkoa.