Jobakʼ 24:11 - সান্তালী বাইবেল

¹¹ Onko do bagwanrege jantete jạitun sunumko len oḍokeda; ar tetaṅetʼko tulucʼge darkha joko lelenkana.

Jobakʼ 24:11 Referans Kwoze

Jakob 5:4

Apeakʼ khetre okoe kạmiyạko phosolko samṭao akatʼtape onko do kuṛại bape emakatʼkoa; ar ńelpe, ona kuṛại do ńitokʼ ãṭ aṛaṅteye dusiyetʼpea. Sanam daṛean Probhu Isorakʼ luturre onko kạmiyạkoakʼ rakʼ do seṭerakana.

Jirimiạ 22:13

Probhu Isore meneda, “Hae uni do, one okoe bedhoromakʼte acʼakʼ oṛakʼe benaoetʼkan ar behokakʼkote acʼakʼ koṭha kandhakoe tearetʼtae. Hae uni do, okoe hoṛ jãhãnakʼ baṅ emkate acʼakʼ disạmren hoṛkoe khaṭaoetʼko ar onkoakʼ khaṭaoakʼ reakʼ kuṛại bae emako kan.

Dosar Biboron 25:4

“Ekʼen kan ḍaṅgra do moca alom toltaea.

Jobakʼ 24:10

Kicricʼ begorte reṅgecʼ hoṛ do koṭogeko dãṛãnkana; onko do reṅgecʼtege anaj reakʼ binḍạko gemereda.

Jobakʼ 24:12

Nagrahakore manwakoakʼ geraṅ ańjomokʼkana, ar ghạl akan hoṛ do goṛo ńam lạgitʼko guhereda; menkhan Isor do onkoakʼ rakʼjoṅakʼ bae moneyakʼkantakoa.

Jobakʼ 24:18

“Onko do dakʼ cetan reakʼ photo lekan kanako; onkoakʼ hạṭiń reakʼ jumi do sarapgetakoa, onate darkha bagwan secʼ do celege bako calakʼkana.

Jesaea 16:10

Joanakʼ bagwan khon hulạs ar rạskạ do sạṅgiń ocoakana. Darkha bagwanre do celege bako sereńa ar bako andoṛa, ar darkha lelen kunḍrehõ celege darkha rasa do bako lebetʼ roḍoja, ente ona reakʼ andoṛ do mokoń ocoakana.