Jobakʼ 24:1 - সান্তালী বাইবেল

¹ “Sanam daṛeanicʼ do bicạr lạgitʼ okteko cedakʼ bae niṭ akada? Okoe uniko baḍae akade onko do cedakʼ ona din bako ńelńameda?

Jobakʼ 24:1 Referans Kwoze

Aposkạmi 1:7

Jisui metatʼkoa, “Okaṭakʼ din se okte Baba do acʼakʼ ektiạrireye dohoakatʼ ona do bape baḍae ocoakana.

Sosolhayic̕ 3:17

Iń do mone moneteń menkeda, “Isor do dhoromicʼ ar bedhoromicʼ nukin bana hoṛgeye bicạrkinạ, ente uni ṭhen do sanamakʼ babotre ar sanamakʼ kạmire mitʼṭecʼ niṭ akan okte menakʼa.”

Mathae 24:38

Ente ḍubạ laha dinkore Noha do jahajre ạuriye bolokʼ hạbicʼ hoṛko doko jom ńũiyetʼ tahẽkana, arko bạhu joṅkan tahẽkana ar jãwãe hõko jãwãeyokʼ kan tahẽkana.

1Timothi 6:15

Uni maraṅ bhạgan Isor, one uni eskar cakʼlaoyicʼ ar rapajkoren raj are Probhukoren Probhu kan, unige acʼakʼ okte nạpitre Mạsiye sodorea.

1Timothi 4:1

Sonot Jiu do pusṭạuteye menakada, darakan dinkore adom hoṛ do biswạs khonko bhingṛạukʼa ar bulạu jiuko ar bạṛicʼ jiukoakʼ bintiko moneyakʼa.

Romiko lạgitʼ Pạul Apostolakʼ ciṭhi 2:5

Menkhan amakʼ mon do keṭecʼgea; am do kại khon mon ạcur bam khojkana. Onate Isorakʼ edre tis sodorokʼ, enhilokʼ lạgitʼ amakʼ bakhra sạjạyem sõcjoṅ kana. Ar unrege Isorakʼ dhorom bicạr do sodorokʼa.

Aposkạmi 17:26

Uni do mitʼṭen manwa khon sanam jạtren hoṛkoe sirjạu akatʼkoa jemon goṭa dhạrtireko girobasokʼ. Onko do tinre okakoreko girobasokʼa ona hõ acʼakʼ sana lekae goṭa dohoakada.

Johan 17:3

Ar jaejug jion do nõkʼõe, amge eskar sạri Isorko baḍaeme ar amem kolakade Jisu Mạsi.

Daniel 2:21

Unige okte ar nạpitko acʼakʼ tabereye dohoyetʼkana; unige rapajko siṅghạsonreye duṛupʼetʼkoa are ńur ocoyetʼkoa. Uni do ạkilanko ạkile danako kana ar budanko do bude emakokana.

Jirimiạ 46:10

Menkhan ona din do phạdkoren Probhu Isorakʼ din kana. Enhilokʼ do uniren bạiriko cetanre hala hạli reakʼ dinge hoyokʼa. Tarwaṛe ạuriye tirpitokʼ hạbicʼ ar uniyakʼ mãyãm reakʼ tetaṅ ạuri meṭaokʼ hạbicʼ uni do gocʼkotegeye tahena; ente phạdkoren Probhu Isor do mitʼṭecʼ teṅgenokʼakʼ menakʼtaea utạr senakʼ disạmre, phurạt gaḍa aṛere.

Jesaea 60:22

Ape modre huḍiń utạricʼ do hajar hajare saṅgekʼa, ar kạṭicʼ utạricʼ do daṛean jạtgeye hoyokʼa. Iń kangeạń Probhu Isor do; okte nạpitre ińge usạrateń hoeocoya.”

Jesaea 2:12

Phạdkoren Probhu Isor do gorbokʼ ar bạḍại udukʼetʼ hoṛko ar cetanre menakʼko onko sanamko lạgitʼ mitʼṭecʼ dine ṭhik dohoakada; enhilokʼ do jotogeko tumbutʼ ocokʼa.

Sereńko 36:10

Okoe amko baḍae akatʼme onkore amakʼ asambheṛ dulạṛ do jaejug hạbicʼ tahen ma; ar okoeyakʼ ontor khạṭige onko do jaoge amakʼ dhorom bicạrko ńama.

Sereńko 9:10

Am okoeko baḍae akatʼme onko do amregeko hirlạ joṅma, E Probhu Isor, ente okoe khạndri hạbicʼ baḍaemeko khojkan, onko do tis hõ bam bạgi giḍi akatʼkoa.

Genesis 18:17

Unre Probhu Isore menkeda, “Okaṭakʼ iń cekae lạgidokʼkan ona do cetʼ Abraham khoniń danaṅkakʼa?

Genesis 7:4

Iń do eae din khange dhạrtire dakʼ iń ạguya. Onate pongel siń ar pongel ńindại daga. Ar otre okoeko jiwiyankoń sirjạu akatʼko onko joto do dhạrti khoniń marao giḍikakoa.”

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

1 Thessalonikikko 5:1

E boehako, oka okte ar oka dinre ona hoyokʼa, ona reaṅ thoṛa olape reakʼ do jãhãn jạruṛ bạnukʼa. Ape do pusṭạutepe baḍaegea, ńindạ cetʼleka kombṛoe hijukʼa, onkage Probhu Isorakʼ ona din hõ hijukʼa.

Sereńko 31:15

Amakʼ tirege ińakʼ okteko do; okoe ińko khudạuedeń kan onko bạirikoakʼ ti khon amge bańcaoińme baṛe.

Jobakʼ 15:20

Bedhorom hoṛ do jiwetʼ bhor dukko joma; ar kurmutạha hõ tinạkʼ din jiwetʼe tahen unạkʼ din duke joma.

Obodiạ 1:15

“Sanam jạtrenko lạgitʼ Probhu Isorakʼ din do sor hecʼakana. Am cetʼkom ceka akatʼ onkage amre hõ hoyokʼa; amakʼ kạmi reakʼ jo do amakʼ bohokʼ cetanrege ruạṛ hijukʼa.

Sephaniạ 1:7

Ape do Probhu Isor samaṅre hape akan tahenpe, ente Probhu Isorakʼ din do hecʼ sor akana. Probhu Isor do mitʼṭecʼ samaṅokʼakʼ reakʼe nenḍa akada; ar uni okoeye neota akatʼko onko doe sapha akatʼkoa.