Jobakʼ 22:9 - সান্তালী বাইবেল

⁹ enhõ rạnḍi maejiuko do eken tiyem bidạyetʼko tahẽkana ar ṭuạ̃r amarkoakʼ ạidạrikom recʼetʼko tahẽkana.

Jobakʼ 22:9 Referans Kwoze

Jobakʼ 24:21

Onko do bạńjhi maejiuko jom recʼetʼkoa ar rạnḍi maejiuko hõ bako dayawako kana.

Jobakʼ 24:3

Onko do ṭũạr amarkoren gadhako laga idi joṅkana ar rạnḍi maejiuren ḍaṅgra do bandhokko dohoyetʼkoa.

Jeheskel 22:7

Am talarege hoṛko do eṅga-apako nihạ̃tetʼkoa, bidisiạkoko santaoetʼkoa ar ṭũạr amar ar rạnḍi maejiuko tulucʼ hõko jor julumeda.

Jobakʼ 31:21

bicạrre ińakʼ ektiạri menakʼ iạte ṭũạr amarko cetanre tiyiń rakapʼ akatʼtiń khan,

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Jeheskel 30:22

Iń Probhu Isorgeń menetʼkana, Misorren raj Pharao upạrten kạnạń. Iń do uniyakʼ keṭecʼakʼ ar rạputʼatʼ banar tigeń rạpudtaea ar uniyakʼ ti khon tarwaṛeń ńur ocoytaea.

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Jesaea 1:17

Bhageakʼ kạmi reakʼ cetʼ joṅpe, hok reakʼ bicạrpe, sasantaoko sudhrạukope, reṅgecʼko secʼ tahenpe, ar rạnḍi maejiukoakʼ teṅgo goṛowakope.”

Sereńko 94:6

Onko do rạnḍi dukhi ar upriạ hoṛko sumạrkoa, Ar ṭũạr amarko doko khũnkoa.

Sereńko 37:17

Bạṛicʼ hoṛkoakʼ ti do rạpudokʼ takoa, menkhan Probhu Isor botoraeko doe sapʼ sambṛaoetʼkoa.

Sereńko 10:15

Bedhorom ar bạṛicʼ hoṛakʼ ektiạri do caba utạrme baṛe; ar uniyakʼ sanam behok reakʼ hisạb hataome.

Dosar Biboron 27:19

‘Sarapangeae uni hoṛ do, one okoe do upriạko, ṭũạr amarko ar rạnḍi maejiuko cetanreye behoketʼkan.’ Unre sanam hoṛko mena, ‘Amen.’

Jobakʼ 6:27

Ape do ṭũạr amarko lạgitʼpe gulibãṭetʼkana ar gate do ạkhrińkope khojkana.

Jirimiạ 48:25

Moabakʼ reakʼ dereń do makʼ giḍiyena; uniyakʼ ti do rạputʼentaea.

Mathae 23:14

“Hae, ape sostor baḍaeko, Phạrusiko ar phạsiarako do! Ape do hoṛko ṭhen ńel ocokʼ lạgitʼ jeleń jeleńpe koejoṅ kana, ar eṭakʼ secʼ do rạnḍi maejiukoakʼ oṛakʼ duạrkope jom ujạṛetʼtakoa. Onate ape do artetʼ bạ̃ṛti sạjại hoyokʼtapea.”