Jobakʼ 22:30 - সান্তালী বাইবেল

³⁰ Ona chaḍa uni do eṭakʼ dusi hoṛko hõe bańcaokoa; ar amakʼ ti saphage iạte onko do bańcaoko ńama.”

Jobakʼ 22:30 Referans Kwoze

Sereńko 18:20

Ińakʼ dhorom kạmi lekatege Probhu Isor doe dan akawạdińa, ar ińakʼ kạmi reakʼ napaetetʼ iạtege kuṛạiye emadińạ;

Aposkạmi 27:24

‘E Pạul, alom botorokʼa. Am do Kạisạr samaṅre teṅgokʼ hoyokʼtama. Ar noa jahajre tinạkʼ do am sãoteko calakʼkan onko sanamkoakʼ jiwi Isor do dayateye dan akawatʼmea.’

Malaki 1:9

Ńitokʼ Isor ṭhen daya khojkate cetʼ lab? Apeakʼ tite nonkanakʼpe samaṅetʼ khan uni do cetʼ ape bae nihạ̃tpea? Ańjompe, phạdkoren Probhu Isor katha, uni okae menetʼ,

Jirimiạ 5:1

Probhu Isore meneda, “Jerusalem reakʼ ḍaharkore onte note ńir baṛaepe ar beṛhaete beṅgetʼ ạcurpe. Onḍenakʼ nagraha reakʼ haṭ bajarkore khoj hataope. Ńelpe, nonkan jãhãepe ńamea se baṅa okoe do dhorom ar sạriyakʼreye dãṛãnkan enḍekhan iń do ona nagrahań ikạkakʼa.

Jesaea 58:12

Aperen hoṛko do sedae reakʼ jarkharakʼko cetanre arhõko benao rakaba ar lahateakʼ rehetʼ cetanre arhõko gathao ruạṛa; ar ape do dhasao bhit ar bosotokʼ lạgitʼ kulhi jujutkope ńum ocokʼa.

Sereńko 24:4

Eken uni kangeae lekicʼ do, okoeyakʼ ti do miridosgetae, ar ontor hõ khạṭigetae, ar eṛeyakʼ secʼ mon hõ bạnukʼtae. Ar mocare eṛe kiriạ hõ bạnukʼtae.

1Timothi 2:8

Ińakʼ monejoṅakʼ do noage, herel hopon do sanam jaegare edre se jhogṛa baṅkate sapha monte sonot ti tulkate jemonko koejoṅ.

Jesaea 1:15

Koejoṅ lạgitʼ tinre apeakʼ tipe rakabtapea unre ape secʼ do bạń beṅgeda. Ar ḍherpe koere hõ bạń ańjomtapea, ente apeakʼ ti do mãyãmte perecʼgetapea.

Jobakʼ 17:9

Menkhan dhorom hoṛ do akoakʼ horteko laha idikʼa, ar okoeyakʼ ti saphage onko do dinke dinko daṛe idikʼa.

Jobakʼ 23:1

Unre Job do roṛ ruạṛketʼteye menkeda,

Sereńko 24:3

Probhu Isorakʼ burure dejokʼ lek do cetʼ jãhãe menaea? Uniyakʼ sonot jaegare teṅgokʼ lek doe okoe kana?

Jobakʼ 42:9

Unre Timani Eliphas, Suhi Bildad ar Namathiạ Sophar do Probhu Isorakʼ katha lekako kạmikeda, ar Probhu Isor do Jobakʼ koejoṅe ańjomketʼtaea.