Jobakʼ 22:23 - সান্তালী বাইবেল

²³ Sanam daṛeanicʼ ṭhenem ruạṛ hecʼlen khan, tobe do lahate lekam pheraokʼa. Amakʼ tạmbu khon bạṛicʼakʼkom sạṅgiń giḍile khan,

Jobakʼ 22:23 Referans Kwoze

Sakariạ 1:3

Ona iạte am do hoṛkom metakoa, phạdkoren Probhu Isore meneda, ‘iń ṭhen ruạṛ hijukʼpe, enḍekhan iń hõ apeń beṅgetʼapea.

Jihudạwakʼ ciṭhi 1:20

Menkhan E dulạṛiạ boehako, ape do apeakʼ sonot utạr biswạsre apete benao rakabokʼpe ar sonot Jiu reakʼ ạyurte koejoṅpe.

2Timothi 2:19

Enrehõ Isorakʼ gathaoakʼ kajak rehetʼ do teṅgo akana, ar ona cetanre mohor chapakatʼ leka noa kathako ol menakʼa, “Probhu Isor do acʼrenkoe baḍaeyetʼkoa, ar Mạsi do Probhu mente okoeko hohowaekan onko do sanam lekan bedhorom kạmi khonko sahaṛokʼma.”

Kolossiko lạgitʼ Pạul Apostolakʼ ciṭhi 2:7

Mạsire rehedokʼte unire benao rakabokʼpe. Ar cecetʼakʼ ńamkate okape pạtiạu akan onarege kajak akan tahenpe ar jao okte Isor gun manao joharaepe.

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Jirimiạ 31:4

Ńitokʼ do uniye meneda, “E kũạri kuṛi Israel, iń do arhõń jut ruạṛmea, onate am do arhõm jut dohṛakʼa. Am do arhõ amakʼ tablam hataoa ar rạskạkʼko tulucʼem enecʼa.

Jesaea 33:15

Unigeye daṛeakʼa, okoe do dhoromteye colonetʼkan ar hok reakʼkoe roṛetʼkan, ar okoe do julum reakʼ labkoe hirkhạwakʼ kan ar ghus hatao khon pharakreye tahenkan, okoe hoṛ do khũn reakʼ alo ańjom lạgitʼ luture tubetʼetʼtae ar bạṛicʼakʼ kạmi ńel khon mẽtʼe jạpitʼkatae kan.

Jesaea 31:6

E Israelrenko, okoe upạrte nunạkʼpe hulletʼkan uni ṭhen ruạṛ hijukʼpe,

Jesaea 19:22

Ar Probhu Isor do Misorren hoṛkoe ńẽtʼkoa; uni doe ńẽtʼkoa ar boge hõe bogekoa. Onko do Probhu Isor secʼko ạcurokʼa, ar uni do onkoakʼ nehõre ańjomtakoa are bogekoa.

Jobakʼ 18:15

Uniyakʼ tạmbure apnarakʼ mente cetʼge baṅ tahentaea; uniyakʼ tahen ṭhạ̃ire jolokʼkan gondhok do chiṭiạukʼa.

Jobakʼ 12:14

Uniye rạputʼ giḍilere celege bako benao ruạṛa; ar jãhãe hoṛe siń esetʼlere celege bako jhijea.

2 Bõsbudạ 33:13

Uniyakʼ koejoṅ ańjomte Probhu Isor do daya hecʼadea ar uniyakʼ nehõr joṅakʼe ańjomketʼtaete Jerusalem ar uniyakʼ rajosṭiye ruạṛ ạguketʼtaea. Unre Manase doe bujhạukeda, Probhu kangeae Isor do.

Sereńko 130:4

Menkhan am ṭhen do ikạ menakʼa, jemon hoṛko botoram.

Hosea 6:1

Dela, abo do Probhu Isor ṭhen bon ruạṛ calakʼa. Unigeye or cirạ akatʼbona, ar unigeye boge bona; unige abo doe ghạl akatʼbona, ar unige aboakʼ ghaokoe bedhaokata bona.