Jobakʼ 22:11 - সান্তালী বাইবেল

¹¹ amakʼ marsal do ńut akana, ar onate bam ńeńelkana, banbạsi dakʼ do ame chạplạu esetʼ akatʼmea.

Jobakʼ 22:11 Referans Kwoze

Rak̕joṅ 3:54

Ińakʼ bohokʼ cetante dakʼ do ạtu paromena, hudisokʼkan tahẽkạnạń iń doń gujukʼkana.

Jona 2:3

Am do jalapuri reakʼ khạndri dakʼrem giḍikedińa ar ạtukʼkan dakʼreń tạpukʼena; ar ḍheoko do iń cetante parom idiyena.

Jobakʼ 19:8

Ińakʼ hore eṭetʼ esetʼ akatʼtińte bạń parom daṛeakʼ kana; uni do ińakʼ sanam horko ńutteye dapal akatʼtińạ.

Mathae 8:12

Menkhan rajosṭiren hoponko do bahre ńutreko giḍi ocokʼa. Onḍe do rakʼjoṅ ar togocʼ ḍaṭa hoyokʼa.”

Rak̕joṅ 3:2

Uni doe laga ńir akadińạ; marsalre do baṅ, menkhan ńutreye taṛam ocoakadińạ;

Jesaea 8:22

Ona tayom onko do ot secʼ beṅgetʼkate eken duk kosṭo ar ńutko ńela. Ar botoranakʼ ńutre onko doko sạṅgiń ocokʼa.

Kạhtukko 4:19

Menkhan bedhoromkoakʼ hor do kaṛaṅ ńut; onko do bako baḍaea cetʼreko tohodokʼ kana mente.

Sereńko 42:7

Onḍe amakʼ jharna reakʼ saḍe do athantarre hohokʼkana; ar amakʼ ḍheoko ar hud hudạukʼkan dakʼko do iń cetante ạtu paromokʼ kana.

Jobakʼ 38:34

“Am do cetʼ rimil hạbicʼ amakʼ aṛaṅem rakapʼ ocodaṛeakʼa jemon jạṛi dakʼ ḍher jhomore ãṛgoam?

Jobakʼ 18:18

Uni do marsal khon ńutteye pharak ocokʼa; ar dhạrti khon doe laga ńir ocokʼa.

Jobakʼ 18:6

Uniyakʼ tạmbu reakʼ marsal do ńutokʼtaea; uni ṭhen dohoakatʼ diuhe hõ ĩṛĩjokʼa.

Jobakʼ 5:14

Siń marsalrege onko do ńut pheḍ hecʼako kana; ar tikin okte do ńindạ lekako hạtṛạu baṛaeyeda.

Jobakʼ 11:16

Unre amakʼ kosṭo khạṭigem hiṛińa, ona do ạtukʼkan dakʼ lekagem hudisa.

Jobakʼ 24:18

“Onko do dakʼ cetan reakʼ photo lekan kanako; onkoakʼ hạṭiń reakʼ jumi do sarapgetakoa, onate darkha bagwan secʼ do celege bako calakʼkana.