Jobakʼ 21:18 - সান্তালী বাইবেল

¹⁸ Tinạkʼ dhao baṅ hoe samaṅre busupʼ lekako hoyokʼkan birbao hoete oṭaṅokʼkan bhusạ leka hõko hoyokʼkan?

Jobakʼ 21:18 Referans Kwoze

Sereńko 1:4

Menkhan bedhoromko do bako onkana; onko do hoete oṭaṅ calakʼkan bhusạ lekanako.

Sereńko 83:13

E ińren Isor, am do hoe bharḍo lekakom, one hoete oṭaṅokʼkan bhusạ lekage.

Sereńko 35:5

Onko do hoete peṭecʼ lekako oṭaṅokʼma; Hẽ, Probhu Isorren goḍet do onkoe lagako ma.

Jobakʼ 13:25

Hoete oṭaṅokʼkan sakam do cetʼem toras ocokea? Ar rohoṛ bhusạko do cetʼem khudạukea?

Jesaea 17:13

Disạm disạmrenko do aema dakʼ lekako hud hudạukʼkanre hõ, enhõ uniye dhomkao lekore onko do sạṅgińteko ńirjoṅa. Onko do oṭaṅokʼkan bhusạ leka, ar hoete gurlạu baṛaekan dhuṛi lekae oṭaṅ cabakoa.

Jesaea 29:5

Menkhan amren locotʼ locotʼ bạiriko do lopotʼ dhuṛi lekako hoyokʼa; onko kurmutạhako do oṭaṅokʼkan bhusạ lekako hoyokʼa. Hẽ, mitʼ ripitʼrege phạdkoren Probhu Isor do huḍur, ot laṛao ar ãṭ saḍete, bharḍo ar birbão hoe ar jojomkan seṅgelteye sạjạikoa.

Mathae 3:12

Uniyakʼ haṭakʼ do tirege menakʼtaea ar khạrại do mońjteye saphaetaea. Ar phosol do acʼakʼ golareye jarwaea, menkhan bhusạ do tishõ baṅ ĩṛĩjokʼ seṅgelreye atar giḍikakʼa.”

Nạhum 1:10

Ape do jạnum jhạuạrepe ramphakʼa ar darkha rasa ńũtepe bulokʼa; ar lanḍha lekape lokʼa.

Hosea 13:3

Ona iạte onko do setakʼ reakʼ kuṛhạ ar chanokʼkan sisir dakʼ leka kanako, onko do khạrại khon hoete oṭaṅ calakʼkan bhusạ leka, ar jalna secʼte oḍok calakʼkan dhũạ leka kanako.

Jirimiạ 13:24

“Hahaṅkarre hoete oṭaṅ calakʼkan bhusạ leka iń do amren hoṛkoń oṭaṅ idikoa.

Jesaea 40:24

Enegeko rohoeyokʼ kana, ar enegeko erogokʼ kana ar enegeko rehedokʼ kana, uni do onko cetanreye oṅeda ar onko doko tolmojokʼ kana; mitʼṭecʼ hoe bharḍo leka uni doe oṭaṅ idiyetʼkoa.

Jesaea 5:24

Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Exodus 15:7

Okoe am upạrteko teṅgoyen amakʼ maraṅ ṭhonokte onko do latartem giḍikatʼkoa; ar amakʼ jal jalaokʼkan edre do busupʼ leka onkoe lo maraoketʼkoa.

1 Korinthiko 3:12

Ona rehetʼ cetanre sona, rupạ, damanakʼ dhiri, kaṭ, ghãs, lanḍha se busupʼ reakʼakʼe benao rakab,

Jobakʼ 22:16

Onko do okte ạuriregeko idi ocoakana; onkoakʼ rehetʼ do gaḍa dakʼ leka ạtu calakʼkana.

Jobakʼ 27:21

Purub reakʼ hoe do onkoe idikoa, ar onko doko calakʼa; onkoakʼ jaega khon ona hoe doe oṭaṅ idikoa.

Kạhtukko 10:25

Hoe bharḍo hecʼlenre bạṛicʼ hoṛ do bako tahena, menkhan Isor botorae hoṛ do jaejug diṛho akane tahena.

Habakkuk 3:6

Uni do teṅgokate dhạrtiye daldalaoeda; ar beṅgetʼte jạt jạtrenkoe thar tharao ocoyetʼkoa. Sedae reakʼ buru-ḍuṅgriko do rạpudokʼkana ar sedae jug reakʼ buruko do rạputʼ ńurokʼkana. Jug hilokʼ khon uniyakʼ hor reakʼ jãhãn bodolge bạnukʼtaea.

Sereńko 83:14

Birre seṅgel lagaolenre cetʼleka dareko lokʼa ar seṅgel reakʼ lepʼ do cetʼleka burukoe lo ataretʼ,