Jobakʼ 21:17 - সান্তালী বাইবেল

¹⁷ “Bedhoromkoakʼ diuhe do cetʼ ĩṛĩjokʼtakoa? Tinạkʼ dhao baṅ onkore muhin do paṛaokʼkan? Tinạkʼ dhao baṅ Isorakʼ edre do onkore paṛaokʼkan?

Jobakʼ 21:17 Referans Kwoze

Luk 12:46

Enḍekhan okaṭakʼ din ar okaṭakʼ ghuṛi reakʼ katha bae hudisetʼkan, ona din ar ona ghuṛirege acʼren kisạ̃ṛ doe hijukʼa. Are makʼ paṛagea ar bepạtiạrko tulucʼ jaegae ṭhikaea.

Mathae 25:8

Ar lilhi kuṛiko do budan kuṛikoko metatʼkoa, ‘apeakʼ sunum khon den thoṛa emalepe, ente diuhe do ĩṛĩjokʼ kantalea.’

Kạhtukko 24:20

Ente bạṛicʼ hoṛkoakʼ do cetʼ asge bạnukʼa, ar bedhoromkoakʼ diuhe do ĩṛĩjokʼtakoa.

Kạhtukko 20:20

Jãhãege acʼ eṅgat se apate sarapae, uniyakʼ diuhe do kaṛaṅ kucạṅ ńutre ĩṛĩjokʼtaea.

Kạhtukko 13:9

Isor botoraekoakʼ marsal do ḍig ḍig jolokʼa, menkhan bedhoromkoakʼ diuhe do ĩṛĩjokʼtakoa.

Sereńko 32:10

Bedhoromicʼ do ạḍi jala hoyaea, menkhan okoe Probhu Isorre hirlạ akane tahen uni do Probhu Isorakʼ dayageye esetʼ ạcurea.

Jobakʼ 18:18

Uni do marsal khon ńutteye pharak ocokʼa; ar dhạrti khon doe laga ńir ocokʼa.

Jobakʼ 21:30

Bedhorom hoṛ do muhinre bańcaoko ńama ar edrekʼ dinre hõ rukhiyạko ńama?

Jobakʼ 31:2

Sermaren Isor ṭhen khon manwa do cetʼko ńametʼkana? Sermaren sanam daṛeanicʼ ṭhen uniyakʼ baṅ kuṛại cetʼtae?

Jobakʼ 31:3

Bedhoromko lạgitʼ jarkharakʼ do cetʼ baṅkana? Ar bạṛicʼakʼko kạmikan hoṛko lạgitʼ muhin do cetʼ baṅkana?