Jobakʼ 21:14 - সান্তালী বাইবেল

¹⁴ Enhõ onko do Isorko metaekana, ‘ale khon pharakokʼme; amakʼ horko baḍae do baṅ sanayetʼlea.

Jobakʼ 21:14 Referans Kwoze

Jobakʼ 22:17

Uni do bhage bhage jiniskote onkoakʼ oṛakʼe perecʼletʼ takoa ar enhõ onko do Isorko metade tahẽkana, ‘am do pharakokʼme. Sanam daṛeanicʼ do cetʼe ceka daṛeabona? Menkhan bedhoromkoakʼ sopolha khon iń do sạṅgińreń tahenkana.

Romiko lạgitʼ Pạul Apostolakʼ ciṭhi 8:7

Okaṭakʼ mon do kại okae khoj onageye moneyakʼ, ona mon do Isor birudgea, ente ona do Isorakʼ ạn bae bataoa ar manao hõ bae manaoa.

Sereńko 10:4

Bedhorom hoṛ do ṭheṭamute Probhu Isore neṅghao edeya; uniyakʼ bạṛicʼ monsubạre noa hudisge menakʼa Isor mente ar okoe hõ bạnukʼkoa.

Kạhtukko 1:29

Onko do ạkilko kurud akawada ar Probhu Isor botorae hõ bako khojleda.

Romiko lạgitʼ Pạul Apostolakʼ ciṭhi 1:28

Nonkate manwa do Isor bako manaoedete Isor hõ kại monreye soprotkatʼkoa, ar onatege manwa do be ṭhikakʼko kạmikana.

Luk 8:37

Unre Gerasa ṭoṭharen sanam hoṛ do Jisuko nehõradea jemon ako ṭoṭha khone calaojoṅ, ente onko do botor caṛhaoatʼko tahẽkana. Ado unre Jisu do ruạṛ calakʼ lạgitʼ lạukạreye decʼena.

Luk 8:28

Ado Jisui ńelkede khan kikiạuate otre taberente ãṭ aṛaṅteye menkeda, “Maraṅ Isorren Hopon Jisu, iń tulucʼ amakʼ do cetʼ? Dayakate alom sasetińạ.”

Habakkuk 1:15

Babelrenko do onkoren sanamkoge bạ̃ṛsiteko or rakapʼetʼkoa ar jhạliteko owar rakapʼetʼkoa, arko samṭao jarwayetʼkoa; ar onate onko doko rạskạkʼ kana, arko kusikʼkana.

Kạhtukko 1:22

“E lelha hoṛko, ape do ar tinạkʼ din apeakʼ lelhatetʼpe dulạṛa? landa dhudhutʼko do ar tinạkʼ din onare rạskạko ńama? Ar bebujko hõ ar tinạkʼ din ạkilko kurudakʼa?

Kạhtukko 1:7

Probhu Isor botorae do ạkil reakʼ etohopʼ kana, menkhan lelha hoṛ do ạkil ar sikhạunako nihạ̃tetʼ kana.

Sereńko 10:11

Uni do mone moneteye meneda, “Isor doe hiṛiń akada; uni doe dea giḍiakada, ar tishõ bae ńeńela.”

Jobakʼ 34:27

ente onko do uniyakʼ hor khonko sahaṛ akana; uniyakʼ jãhãn hukumge bako moneyakʼ kana.

Jobakʼ 35:10

Menkhan okoehõ bako meneda, ‘ińren sisirjạuicʼ Isor do okare menaea, okoe do ńindạ jokhecʼ rạskạ sereńe danạńkan?

Jesaea 30:11

Hor khon sahaṛokʼpe, ar suṛucʼ hor khon ghańjeṛokʼpe. Israelren uni sonoticʼakʼ katha do ar alope ańjomalea.”

Jirimiạ 9:6

Am do eṛeyakʼ talarem girobasokʼ kana! Amren hoṛko do eṛeyakʼteko perecʼgea; ar iń ṭhen do bako jimạkʼ kana.”

Sereńko 95:10

Pongel bochor hạbicʼ ona piṛhirenkote iń do ạḍiń ạṛis cabalena; ińiń menleda, ‘noko hoṛakʼ ontor do eṭakʼ secʼ ghańjeṛ akantakoa; ińakʼ hor do bako baḍaelakʼa.’

Jirimiạ 2:31

“Niạ piṛhiren hoṛko, ińakʼ katha ańjompe. Israelko ṭhen iń do cetʼ hahaṅkar iń hoyakana? Iń do cetʼ kaṛaṅ ńut reakʼ disạmiń hoyakana? Ińren hoṛ do cedakʼko mena, ‘ale do sạdhintegele dãṛãbaṛa daṛeakʼa; ar am ṭhen do bale hijukʼa?’