Jobakʼ 20:6 - সান্তালী বাইবেল

⁶ Uniyakʼ usultetʼ do serma hạbicʼ seṭerlenre hõ ar uniyakʼ bohokʼ do rimil hạbicʼ usullenre hõ,

Jobakʼ 20:6 Referans Kwoze

Genesis 11:4

Onkoko menkeda, “Dela, abo lạgitʼ mitʼṭecʼ nagraha bon benaoa ar nonkan mitʼṭecʼ usul oṛakʼ bon benaoa one ona reakʼ cuṛạ do serma hạbicʼ rakabokʼ. Ar noa iạte abo do ńutum hoyokʼtabona ar goṭa dhạrtire babon pasnaokʼa.”

Mathae 11:23

Ar E am Kaparnạhum! Baṅ do serma hạbicʼem usul ocokokʼ? Tishõ baṅa, am do patal puritem giḍi ocokʼa. Okako hahaṛa kạmi amre hoyakan, onako Sodomre hoylen khan enḍekhan teheń hạbicʼ ona do tahẽkokʼa honaṅ.

Amos 9:2

Onko do Sheol hạbicʼko la bololenre hõ ińakʼ ti do onḍe khon hõe oḍok ạgukoa. Ar coṭ sermateko rakapʼlenre hõ onḍe khoniń pheḍ ạgukoa.

Daniel 4:22

E maharaj, am kangeam ona dare do. Am do maraṅ ar daṛeanem hoyakana; amakʼ daṛe do ḍher akante serma hạbicʼem tiyokʼ akada ar amakʼ rajosṭi do dhạrti reakʼ ses simạna hạbicʼ seṭer akana.

Daniel 4:11

Dare do hara idiyente ạḍi maraṅ ar daṛeanakʼ hoyena ar ona reakʼ coṭ agal do serma hạbicʼ rakapʼena; dhạrti reakʼ ses simạ khon hõ ona dare do ńel ńamokʼkan tahẽkana.

Jirimiạ 51:53

Babel do serma hạbicʼe usullenre hõ ar onḍe kajak aotan gaṛpe benaolerehõ, enhõ iń do uni upạrte jarkharicʼ iń kolea.”