Jobakʼ 20:17 - সান্তালী বাইবেল

¹⁷ Uni do dahe ar dumur rasa ạtukʼ gaḍako ar bae ńelńama.

Jobakʼ 20:17 Referans Kwoze

Luk 16:24

Unre uni do ãṭ aṛaṅte hohowateye menkeda, ‘E baba Abraham, dayawạńme baṛe. Ar Lasar iń ṭhen kolkaeme jemon uni do acʼakʼ coṭ kạṭupʼ dakʼre topokate ińakʼ alaṅe reaṛkạtiń. Ente noa jolokʼ seṅgelreń jal jalaokʼ kana.’

Jobakʼ 29:6

Ińakʼ taṛam horre toage ạtukʼkan tahẽkana, ar huṭupʼ dhiri khon do jạitun sunum reakʼ jharnage bhumbuk oḍokokʼkan tahẽkana.

Johan sodor 22:1

Ona tayom uni serma goḍet do jion dakʼ reakʼ gaḍae udukʼạdińạ. Ona do dhiri hisir leka rilạmala tahẽkana ar Isor ar Bheḍa Hoponakʼ siṅghạson ṭhen khon ạtu oḍokkate nagraha reakʼ kulhi talate ạtukʼkan tahẽkana.

Jesaea 41:17

“Reṅgecʼ ar nacarko do dakʼ reakʼko ńam baṛayeda, menkhan bako ńameda; tetaṅte alaṅ do sạkitʼ caba akantakoa. Menkhan iń Probhu Isorge onkoń roṛ ruạṛakoa; iń Israelren Isor do onko bạń bạgi giḍikoa.

Jesaea 7:15

Oka bạṛicʼakʼ kan ona phesṛao giḍikakʼ ar oka bhageakʼ ona bachao joṅ reakʼ oktere uni do dahe ar dumur rasae joma. Menkhan E Ahas raj, ona reakʼ okteko ạurirege okoeyem botorakin kan unkin banar rajakʼ disạm do ujạṛokʼa.

Sereńko 81:16

Menkhan Israel do sanam khon soros utạrakʼ guhumiń jom ocoyea; sạrige iń do ona rasateń tirpit ocokoa one okaṭakʼ do cạṭạni khon ńamokʼkan.”

2 Rapajko 7:2

Raj do okoe gutiye goṛowade tahẽkan uni guti do Isorren hoṛe metadea, “Ńelme, Probhu Isor do serma reakʼ duạrkoe jhicʼlere hõ onka do ohoge hoylena?” Elisaeye roṛ ruạṛkeda, “Amakʼ mẽtʼtege noa dom ńela, menkhan am do ona reakʼ cetʼge bam jom ńama.”

2 Samuel 17:29

dumur rasa, dahe, gotom ar bhiḍikoko ạguketʼkoa. Onko doko hudiskeda, hahaṅkarre onko do reṅgecʼ ar tetaṅteko lorao akana.

Genesis 18:8

Abraham do ona isin akatʼ jel sãote toa ar dahe hõe ematʼkoa. Ar tinreko jojomkan tahẽkana unre Abraham do onko sorre dare buṭạreye teṅgo akan tahẽkana.

Jesaea 36:17

Ona tayom iń do hecʼkate apeakʼ disạm leka ar mitʼ disạmteń idipea. Ona disạm do anaj ar nãwã darkha rasa reakʼ disạm, piṭhạ ar darkha bagwan reakʼ disạmtege.