Jobakʼ 20:11 - সান্তালী বাইবেল

¹¹ Juạn reakʼ daṛete uniyakʼ jaṅko do perecʼgetaea uni sãote dhuṛire giticʼ akane tahena.

Jobakʼ 20:11 Referans Kwoze

Jobakʼ 13:26

Iń upạrte do hewer haṛhatʼ katham oletʼkana ar juạn jokhecʼ reakʼ ghạṭkom lekhawạńkana.

Sereńko 25:7

Ińakʼ koṛa umer reakʼ kại ar am upạrte hul reakʼ katha do alom disạ dohokakʼa; amakʼ asambheṛ dulạṛ iạte disạyińme baṛe, ente E Probhu Isor, am dom bhagegea.

Jobakʼ 21:26

Unkin bana hoṛge mitʼleka otrekin giticʼkana; ar tejo doko chạplạu esetʼetʼkinạ.

Johan 8:24

Onateń metapekana, ape do apeakʼ kạirepe gujukʼa. Ar ińkangeạń mente bape pạtiạukʼkan khan apeakʼ kạiregepe gujukʼa.”

Jeheskel 32:27

Menkhan onko do bin khatna akan eṭakʼ lạṛhại birko sãote do bako giticʼ tahena. Onko lạṛhại bir do khanḍa bhanḍawante Seolteko pheḍ akana, onkoakʼ tarwaṛe do onkoakʼ bohokʼ latarre doho akana ar onkoakʼ kại reakʼ sạjại do onkoakʼ jaṅko cetanrege menakʼa. Onko do jiwetʼkoakʼ disạmre torasko udukʼako kan tahẽkana.

Jeheskel 24:13

“ ‘E Jerusalem, amakʼ bạṛicʼakʼ kạmige hoyokʼ kana ona bhonḍtetʼ do. Iń do saphaeme reakʼ iń kurumuṭukeda menkhan amakʼ bhõnḍtetʼ khon bam saphalena. Am upạrte ińakʼ edre purạte ạuriń dultiń hạbicʼ am do bam saphakʼa.

Kạhtukko 14:32

Bedhoromicʼ do acʼakʼ bạṛicʼ kạmi iạteye ńurhạ ocokʼa, menkhan dhorom hoṛ do gujukʼre hõ as tahentakoa.

Jobakʼ 19:20

Ińakʼ jelre harta ar jaṅ do jalatʼ caba akana, ar iń do eken jiwetʼ hataṛge minạńa.

Johan 8:21

Jisu do arhõ Phạrusikoe metatʼkoa, “Iń doń calakʼkana. Arpe ńam baṛańa, menkhan ape do apeakʼ kạirepe gujukʼa. Ar okateń calakʼkan onḍe do ohope sen daṛelena.”

Jobakʼ 21:23

Mitʼ hoṛ do acʼakʼ puruntetʼreye gujukʼkana, purạ puri nirdạndi ar tholge;

Jobakʼ 21:24

Uniyakʼ hoṛmo do itilte perecʼgea ar jaṅ reakʼ tumultae do rosanakʼgea.

Jobakʼ 17:16

Ona as do Sheol reakʼ duạr hạbicʼ baṅ pheḍokʼa; ar iń sãote ona do dhuṛire baṅ mesaokʼa.”