Jobakʼ 2:9 - সান্তালী বাইবেল

⁹ Unre uniren bạhu doe menkeda, “Am do cetʼ ńitokʼ hõ bin dusigeam mentem dạbiyetʼkana? Isor dusiyete gujukʼme baṛe.”

Jobakʼ 2:9 Referans Kwoze

Jobakʼ 2:5

Ti tiyạrtam ar hạneme, khạṭige uni do am upạrte henosta reakʼ kathae roṛa.”

Jobakʼ 2:3

Unre Probhu Isor do Soetane metadea, “Ińren guti Job secʼem kheyal akada? Dhạrtire uni lekan ar celege bạnukʼkoa. Uni do bin dusạn are dhoromgea. Uni do ińe botorạń kana ar bạṛicʼakʼ khon sạṅgińreye tahenkana. Ar ńit hạbicʼ uni do jãhãnakʼ bae dos akatʼre hõ ạuṛiyakʼte uniyakʼ bạṛicʼ lạgitʼem uskurediń kana.”

Malaki 3:14

Apepe meneda, ‘Isor sarhaoe do ạuṛiyakʼgea. Uniyakʼ ạn-ạri lekate kạmi ar homor halaṅ baṛakate phạdkoren Probhu Isor samaṅre dãṛãbaṛae do cetʼ aboakʼ jãhãn lab hoyena?

Jobakʼ 1:11

Menkhan ma ti tiạrkate uniyakʼ jotowakʼre hạneme, enḍekhan khạṭige uni do am samaṅre henosta reakʼ kathae roṛa.”

2 Rapajko 6:33

Elisae do unhõ kathae roroṛ kan tahẽkana un jokhecʼ uni hoṛ doe hecʼena. Ona tayom raj do hecʼkateye menkeda, “Noa muhin do Probhu Isor ṭhen khonge hecʼakana. Enḍekhan Probhu Isor lạgitʼ do cedakʼ iń biloma?”

Genesis 3:6

Maejiu do ona dare reakʼ jo mońj ar sebelgeye ńelkeda, ona chaḍa ạkil ńam lạgitʼ laloc hõ hecʼadea, onate uni do dare reakʼ joe gotʼkeda are jomkeda. Ar acʼren jãwãe hõe emadea ar uni hõe jomkeda.

1 Rapajko 11:4

Solomonakʼ haṛam umerre uniren erako do debotako secʼ uniyakʼ monko ạwilketʼtaea. Onate acʼren apat Dạud leka uniyakʼ ontor do Probhu Isor secʼ purạte do baṅ tahẽkantaea.

Genesis 3:12

Adame menkeda, “Ińren gate lekate okoe maejiuem em akawạdiń unige ona dare reakʼ joye emadińa ariń jomkeda.”

Levitikus 24:11

Unre uni Israel maejiuren hopon do Probhu Isorakʼ ńutume nindạukeda are sarapada. Onate hoṛko do Mose ṭhen uniko idikedea. Uni koṛaren eṅgattetʼakʼ ńutum do Salomot tahẽkana. Uni do Dan bõsren Dibriren hoponerae tahẽkana. Ar Probhu Isor acʼakʼ monsubạ onkore ạuriye pusṭạuako hạbicʼ uni do hajotreko dohokadea.

Jobakʼ 2:8

Unre Job do torocʼre duṛupʼkate mitʼṭecʼ kelhatʼ hataokate gạdurokʼe ehopʼena.

Jobakʼ 2:10

Menkhan Job do uniye metadea, “Am do mitʼṭen dundhi maejiu leka katham roṛeda. Abo do cetʼ Isor ṭhen khon eken bhạlạige bon ataṅa, ar be bhạlạiyakʼ do baṅa?” Niạko hoyenre hõ Job do acʼakʼ kathate bae kạileda.

Bikʼcạrko 14:17

Bhoj reakʼ mucạtʼ din hạbicʼ acʼren bạhu doe rakʼkeda. Ar eae din hilokʼ Samson do acʼren bạhu onae lạiyadea, ente uni doe ạṛis caba akade tahẽkana. Ar unre acʼren bạhu do ona reakʼ manetetʼ acʼren hoṛkoe lạiyatʼkoa.