Jobakʼ 2:4 - সান্তালী বাইবেল

⁴ Soetane menkeda, uniyakʼ jionge uni ṭhen do jiwi kana; manwa do jiwi bańcaotae lạgitʼ oka menakʼtae ona jotowakʼgeye emokʼa.

Jobakʼ 2:4 Referans Kwoze

Mathae 16:26

Jãhãege goṭa dhạrtiye hameṭte acʼakʼ jiwiye khuạutae enḍekhan cetʼ porho hoyokʼtaea? Se mitʼṭen hoṛ acʼakʼ jiwi bodolte cetʼe emkea?

Mathae 6:25

“Noa iạteń metapekana, bańcao tahen lạgitʼ cetʼpe joma se cetʼpe ńũiya se hoṛmo lạgitʼ cetʼpe horokʼ-bandea ona do alope dạndikʼa. Jiwi do eken jom ar ńũi lạgitʼ do baṅkana, ar hoṛmo hõ horokʼ bandekʼ lạgitʼ do baṅa.

Jirimiạ 41:8

Menkhan onko mod khon gel hoṛ do Ismaelko metadea, “Ale do alom gocʼlea. Ale do ṭạnḍire aleakʼ jao, guhum, sunum ar dumur rasakole oko dohoakada.” Ona iạte Ismael do onkoe aṛakʼkatʼkoa, ar eṭakʼko sãote bae gocʼletʼkoa.

Jobakʼ 2:3

Unre Probhu Isor do Soetane metadea, “Ińren guti Job secʼem kheyal akada? Dhạrtire uni lekan ar celege bạnukʼkoa. Uni do bin dusạn are dhoromgea. Uni do ińe botorạń kana ar bạṛicʼakʼ khon sạṅgińreye tahenkana. Ar ńit hạbicʼ uni do jãhãnakʼ bae dos akatʼre hõ ạuṛiyakʼte uniyakʼ bạṛicʼ lạgitʼem uskurediń kana.”

Jobakʼ 2:5

Ti tiyạrtam ar hạneme, khạṭige uni do am upạrte henosta reakʼ kathae roṛa.”

Genesis 47:17

Unre onko do akoren sanam ḍaṅgra-bhiḍiko Joseph ṭhen ạguko ehopʼena. Ar uni do meromko, bhiḍiko, ḍaṅgrako, sadomko ar gadhako bodolte anaj emakoe ehopʼena. Ar sanam mĩhũ-meromko jimại dohoketʼkote goṭa bochorge jomakʼe ematʼkoa.

Genesis 47:19

Ale do jumi sudhạ sanamkoge amakʼ mẽtʼãhã samaṅre cedakʼle cabakʼa? Onate aleakʼ jaega-jumi joto hataome, ar ona bodolte jomakʼ emaleme. Ale do jaega-jumi sudhạ Pharaoren golamle hoyokʼa. Ona tayom hõ alo jemonle gujukʼ bickom jiwetʼle tahẽdaṛeakʼ onate thoṛa itạ hõ emalem. Enḍekhan aleakʼ jumi hõ baṅ nosṭokʼtalea.”

Josuạ 9:24

Onko do Josuạko roṛ ruạṛadea, “Niạ goṭa disạmge ape emape lạgitʼ ar ape samaṅ khon niạ disạmren sanamko marao giḍiko lạgitʼ okaṭakʼ hukum amren Probhu Isor acʼren guti Moseye emade tahẽkan ona do pusṭạutege ale amren golamko ṭhen roṛ akan tahẽkana. Ar onate ale do ape reaṅ sanamakʼko ańjomkate botorte niạ kạmile kạmi akada.

1 Rapajko 20:31

Benhadadren kạmiyạko do uniko metadea, “Ńelme, alele ańjomakada Israelren rapajko do dayawanko kanako. Dela, abo do gõṛẽ kicricʼ horokʼkate ar bohokʼre baber reakʼ binḍi tolkate Israelren raj ṭhen bon calakʼa. Hoedaṛeakʼa uni do jomakʼte jiwiye rukhiyạitama.”

Kạhtukko 13:8

Kisạ̃ṛ hoṛ do jiwi bańcaotae lạgitʼ dhone khoroca. Menkhan reṅgecʼ hoṛ do okoe hõ bako botor ocoyea.

Luk 12:23

Ente jiwi do eken jom ar ńũi lạgitʼ do baṅkana, ar hoṛmo hõ eken kicricʼ khạnḍwạkʼ lạgitʼ do baṅa.