Jobakʼ 2:12 - সান্তালী বাইবেল

¹² Onko do sạṅgiń khon bako orom daṛeadea. Onate onko do ãṭ aṛaṅte rarakʼko ehopʼena ar apnarakʼ kicricʼko oṛecʼketʼte bohokʼ cetante dhuṛiko uḍiyạukeda.

Jobakʼ 2:12 Referans Kwoze

Jeheskel 27:30

Onko do am ńutumteko kạuạ rạuạkʼa ar apnarakʼ bohokʼre dhuṛiko ojokʼ joṅa ar torocʼreko guṛdạukʼa.

Rak̕joṅ 2:10

Sion hoponeraren murubbiko do otreko duṛupʼ hapeakana. Onko do akoakʼ bohokʼre dhuṛiko ojokʼ akawana ar gõṛẽ kicricʼko horokʼ akada. Jerusalemren juạn kuṛiko do dukte ot secʼko kuḍbur hapeakana.

Nehemiạ 9:1

Inạ cando reakʼ bargel ponakʼ dinre Israelko do mitʼ ṭhenko jarwayena ar gõṛẽ kicricʼko horokʼketʼte, bohokʼre dhuṛiko ojokʼana arko upạskeda,

Jobakʼ 1:20

Niạ katha ańjomkate Job doe beretʼente mon reakʼ kosṭote kicricʼe oṛecʼkeda are munḍrạyena. Ona tayom otre ombakʼkate Isor sewawadeteye menkeda,

Josuạ 7:6

Unre Josuạ ar Israelkoren murubbiko do apnarakʼ kicricʼko oṛecʼketʼte Probhu Isorakʼ sinduk samaṅre ạyupʼ hạbicʼ otre ombakʼ hape akanko tahẽyena. Ar akoakʼ bohokʼre dhuṛiko chiṭiạuana.

Johan sodor 18:19

Onko do akoakʼ bohokʼre dhuṛiko er joṅa ar rakʼ rakʼteko mena, “Hae, hae, ona maraṅ nagraha do! Ar jalapurire okoekoakʼ jahaj menakʼtako onko do uniyakʼ dhon-duribtegeko kisạ̃ṛlena; ar ńelpe mitʼ ghuṛitege ona do ḍahao maraoena!”

Jobakʼ 19:14

Ińren peṛa pạrbhạ doko calao akana; ińren gateko do ińko hiṛiń akadińạ.

Ester 4:1

Mordekae do jotowakʼ sombatkoe baḍaeketʼ khan acʼakʼ kicricʼe oṛecʼketʼte gõṛẽ kicricʼe horokʼkeda ar torocʼ ojokʼkate nagraha talare senkate ãṭ aṛaṅte rarakʼe ehopʼena.

2 Samuel 13:36

Uniyakʼ katha ạuri mucạdokʼrege rajren hoponko doko hecʼ seṭerena ar ãṭ aṛaṅte rarakʼko ehopʼena. Unre Raj ar uniren kạmiyạko hõ ạḍitetʼko rakʼkeda.

1 Samuel 30:4

Noa ńelte Dạud ar uniren hoṛko do kạuạ rạuwạ rarakʼko ehopʼena. Ar nonka hoyena rakʼ rakʼteko aralkoral cabayena.

1 Samuel 11:4

Hoṛko do tinre khobor emokʼ lạgitʼ Sạulakʼ nagraha Gibeate senkate onḍenko hoṛko lạiyatʼkoa unre onḍenko hoṛ do kạuạ rạuwạ rarakʼko ehopʼena.

Bikʼcạrko 2:4

Probhu Isorren goḍet do tinre Israelko ṭhen niạko kathae menkeda unre onko do ãṭ aṛaṅte rarakʼko ehopʼena.

Genesis 27:34

Esau do acʼ babawakʼ katha ańjomkate ạḍi ãṭe rakʼkeda. Ar ona tayom do acʼ babae metadea, “E ba, ińhõ bhorạńme.”

1 Samuel 4:12

En hilokʼ Benjamin gusṭiren mitʼṭen hoṛ do lạṛhại phạdko tala khone ńir paskaoente Siloteye calaoena. Unre uniyakʼ kicricʼko do oṛecʼge ar bohokʼ hõ dhuṛite losoponḍo tahẽkantaea.

Esra 9:3

Niạ katha ańjomkate mon reakʼ kosṭote iń do horokʼakʼ kicricʼ iń oṛecʼkeda ar ińakʼ bohokʼ reakʼ upʼ ar gocoyiń racakʼ totʼketʼte hadosań duṛupʼ hapeyena.