Jobakʼ 2:10 - সান্তালী বাইবেল

¹⁰ Menkhan Job do uniye metadea, “Am do mitʼṭen dundhi maejiu leka katham roṛeda. Abo do cetʼ Isor ṭhen khon eken bhạlạige bon ataṅa, ar be bhạlạiyakʼ do baṅa?” Niạko hoyenre hõ Job do acʼakʼ kathate bae kạileda.

Jobakʼ 2:10 Referans Kwoze

Jakob 1:12

Bhạgangeae uni do one okoe biḍạureye sombhuriyetʼkan, ente lek kanae menteye sạbudlen khan uni do jit reakʼ mala lekate jione ńama. Ar okoe Isorko dulạṛedekan onko do jion emako lạgitʼe gokʼakatʼkoa.

Romiko lạgitʼ Pạul Apostolakʼ ciṭhi 12:12

Apeakʼ okaṭakʼ as menakʼ, ona iạte rạskạkʼpe. Harkhet sasetre soboripe. Koejoṅre jamaṛ akan tahenpe.

Mathae 16:23

Jisu do ạcurente Patrase metadea, “Eya Soetan iń samaṅ khon pharakokʼme. Am do iń tạkʼkicʼicʼ kanam. Isor reakʼakʼko do bam moneyakʼ kana menkhan manwa reakʼakʼgem moneyakʼ kana.”

Johan 18:11

Noa iạte Jisu do Patrase metadea, “Tarwaṛe do khapre bhoraokakʼme. Baba oka duk reakʼ bạṭiye emakawạdiń ona do cetʼ bạń ataṅa?”

2 Samuel 24:10

Disạm hoṛe lekha ocoketʼko tayom Dạudakʼ mon do sobokʼentaea. Uni do Probhu Isor ṭhen koekateye menkeda, “Noa kạmikate iń doń ghạṭ akada. E Probhu Isor, ńitokʼ do am ṭheniń nehõrokʼ kana, amren gutiyakʼ ghạṭ baṛe ocokʼkakʼme. Iń do lelha hoṛ lekań kạmi akada.”

Sereńko 39:1

Ińiń menkeda, “Iń calakʼ hor reaṅ iń do sontor akae iń tahena, jemon alaṅte aloń kại; ar tin hạbicʼ iń samaṅre bạṛicʼ hoṛko tahena un hạbicʼ ińakʼ moca doń gumạikakʼa.”

Jakob 3:2

Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼ kana.

2 Samuel 13:13

Ińakʼ do cetʼ hoyokʼtińạ? Cekate ińakʼ lajao doń okoetińạ? Ar amhõ Israelko talare mitʼṭen kharap hoṛ menteko baḍaemea. Nehõram kạnạń, am do boroṅ raj ṭhen senkate metaeme; enḍekhan uni do amakʼ tireye jimạyińạ.”

Genesis 3:17

Ona tayom uni do Adame metadea, “Okaṭakʼ dare reakʼ jo jojomiń manaletʼme amren bạhuakʼ kathate onam jom akatʼte am iạte ot hõ ot sarapanakʼ hoyena. Am do goṭa jiongem khaṭaokʼa ar hasa reakʼ phosolem joma.

2 Bõsbudạ 16:9

Okoe do Probhu Isorko botorae onko rukhiyạko lạgitʼ uniyakʼ mẽtʼ do dhạrti reakʼ sanam jaegakore tahena. Am do lelhawakʼem kạmi akada. Ńit khon am do ghane ghạṛicʼ lạṛhạirem paṛaokʼa.”

Mathae 25:2

Onko modre mõṛẽ goṭen do lilhi ar mõṛẽ goṭen do budanko tahẽkana.

Sereńko 59:12

Onkoakʼ moca reakʼ kại ar luṭi reakʼ kathare okaṭakʼ ạsis ar eṛeteakʼ menakʼ, onate onkoakʼ bạḍại iạteko sabokʼma.

2 Samuel 19:28

Goṛomiń haṛamren bõsko do ińren mạlik maharaj ṭhen gujukʼ lek kangeako, menkhan enhõ am do amren hoṛko tulucʼ amakʼ ṭebilre jom-ńũi lạgitʼ iń amren guti hõ ṭhạ̃iyem tearadiń tahẽkana. Enḍekhan maharaj ṭhen nehõrokʼ lạgitʼ do ar cetʼ menakʼtińạ?”

2 Samuel 19:22

Dạude roṛ ruạṛkeda, “E Seruyaren hoponko, niạ reaṅ am tulucʼ ińakʼ do cetʼ? Teheń cedakʼ ape do iń upạrtepe teṅgokʼ kana? Teheń Israelko modren jãhãe hoṛ goje do cetʼ lek kana? Iń do cetʼ noa katha bạń baḍaea, teheń hõ Israelren raj kạnạń mente?”

Kạhtukko 9:13

Lilhi maejiu doe bachaogea uni do jãhãn tạkicʼakʼge bae bataoa, uni do ạkil bạnukʼtaea.

Kạhtukko 9:6

Lelhako sãote gatekʼ do bạgime, inạ khanem bańcaokʼa; am do budan reakʼ horte taṛamme.”

Jobakʼ 1:10

Am do cetʼ uni beṛhaete ar uniyakʼ oṛakʼ ar okako menakʼtae ona beṛhaete cetʼ bam esetʼ ạcurakadea? Am do unim bhor akawadea, onate uniren ạsul janwarkote disạm do perecʼ akana.

1 Samuel 3:18

Unre Samuel do Eli sanamakʼ kathae lạiyadea, cetʼge bae oko dohokada. Ona ańjomkate Eli doe menkeda, “Uni doe Probhu Isor kana; uni oka bhageye hudisetʼ onage baṛeye onkaema.”

Jobakʼ 2:9

Unre uniren bạhu doe menkeda, “Am do cetʼ ńitokʼ hõ bin dusigeam mentem dạbiyetʼkana? Isor dusiyete gujukʼme baṛe.”

Sereńko 39:9

Iń do thir hapege minạńa, moca do ar bạń cahabtińạ, ente amge noako dom hoyocoakada.

Sosolhayic̕ 7:14

Suk dinkore rạskạkʼme; menkhan duk dinre do niạko katha hudisokʼme, Isor cetʼleka suke dohoakatʼ onkage duk hõe dohoakada, jemon manwa do acʼakʼ tayom din reakʼ cetʼge aloe baḍae daṛeakʼ.

Sereńko 39:10

Iń cetan khon amakʼ sạjại do sahaṛkakʼme; amakʼ ti reakʼ dalte iń doń sesena.

Rak̕joṅ 3:37

Probhu Isor hukum bae emokʼ khan moca roṛte jãhãe jãhãnakʼe hoyoco daṛekea?