Jobakʼ 19:8 - সান্তালী বাইবেল

⁸ Ińakʼ hore eṭetʼ esetʼ akatʼtińte bạń parom daṛeakʼ kana; uni do ińakʼ sanam horko ńutteye dapal akatʼtińạ.

Jobakʼ 19:8 Referans Kwoze

Jobakʼ 3:23

Okoe manwawakʼ hor acʼ ṭhen danaṅge okoe do Isore eṭetʼ esetʼ akade, cedakʼ uni manwa do marsale emocokʼ kana?

Rak̕joṅ 3:7

Alo jemoniń dạṛ daṛeakʼ onate beṛhaeteye esetʼ ạcurakadińạ; ar hamal sikṛiteye tol akadińạ.

Rak̕joṅ 3:9

Hamal hamal dhirite ińakʼ hore esetʼ akatʼtińạ; ar ińakʼ horkoe konḍea akada.

Sereńko 88:8

Ar am do ińren hoṛko iń ṭhen khonem idiakatʼkoa; ar onko ṭhen do hirkhạwạnicʼem hoyoco akadińạ. Iń doń esetʼ akana, ar bạń oḍok hecʼ daṛeakʼ kana;

Hosea 2:6

Ona iạte iń do jạnumkote uniyakʼ horiń esedtaea; ar uni beṛhaete hõń pạcri eseda jemon acʼakʼ hor aloe sendra ńam daṛeakʼ.

Kạhtukko 4:19

Menkhan bedhoromkoakʼ hor do kaṛaṅ ńut; onko do bako baḍaea cetʼreko tohodokʼ kana mente.

Johan 8:12

Jisu do arhõ hoṛkoe metatʼkoa, “Ińge dhạrti reakʼ marsal do. Okoe ińakʼ horteye calakʼ uni do tis hõ ńutre bae taṛama, bickom jion reakʼ marsale ńama.”

Jirimiạ 23:12

Ona iạte onkoakʼ hor do leńjedokʼ reakʼ horge hoyakana; ńut doe laga baṛakoa ar onko do onḍegeko bhindạṛokʼa. Ar sạjại emako jokhecʼ iń do onko cetanre muhiniń paṛao ocoya.

Jirimiạ 13:16

Ape do aperen Probhu Isor sarhaoepe, ar baṅkhan uni do ńute ạguapea ar ape do ńut hijukʼkan buru cetanrepe tohodokʼa. Marsal reakʼpe aslenre hõ uni do ńute hoeocoya, ar ona do kaṛaṅ kucạṅ ńutge hoyokʼa.

Jesaea 50:10

Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

Jobakʼ 30:26

Menkhan tinre bhạlạiyakʼ iń aslena unre do bạṛicʼakʼge seṭeradińạ; marsal reakʼ iń ńel horetʼ tahẽkana menkhan ńut hecʼạdińạ.

Josuạ 24:7

Menkhan Israelko do iń ṭhenko rakʼ homorketʼ khan onko ar Misorrenko talareń ńut ocokeda. Ar Misorrenko cetanre jalapuri reakʼ dakʼ iń ruạṛ ocoketʼte onkoń unum cabaketʼkoa. Misorrenko cetanre okań cekaletʼ ona ma apnarakʼ mẽtʼtegepe ńelakatʼ. Ar ona tayom do ḍher din hahaṅkarrepe girobasena.

Jobakʼ 23:17

Ńut do ińakʼ mẽtʼãhãe dapal esetʼakatʼtińre hõ enhõ ona do bae thir hape ocodaṛe akadińa, ar kaṛaṅ ńut hõ bae gherao daṛe akadińạ.

Rak̕joṅ 3:5

Uni do haṛhatʼ sisir ar harkhette ińe esetʼ ạcur akadińạ.

Jesaea 59:9

Ona iạte hok reakʼ bicạr do abo ṭhen khon sạṅgińre tahen kana ar dhorom do abo hạbicʼ baṅ seṭerokʼ kana. Abo do marsal bon khojkana, menkhan jotoge ńutgea; ḍig ḍig marsal bon khojkana, menkhan kaṛaṅ kucạṅ ńutre bon dãṛãnkana.

Hosea 2:8

Uni do bae aṅgocetʼ tahẽkana, ińge anaj, nãwã darkha rasa ar sunumiń emaekan tahẽkana, sona ar rupạko hõ ḍher okocʼiń emaekan tahẽkana, one oka uni do Bakʼal debota lạgitʼe beboharetʼ tahẽkan.