Jobakʼ 19:14 - সান্তালী বাইবেল

¹⁴ Ińren peṛa pạrbhạ doko calao akana; ińren gateko do ińko hiṛiń akadińạ.

Jobakʼ 19:14 Referans Kwoze

Sereńko 38:11

Ińakʼ noa dosa ńelte gate peṛako do iń khon pharakreko tahenkana, ar ińren peṛa pạrbhạko hõ iń khonko pharakokʼ kana.

Johan 13:18

Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń upạrte jaṅgae tulketʼtaea.’

Mathae 10:21

“Boeha do boehattetʼe soprotea gocʼ ocoye lạgitʼ ar apat do hopontetʼ, ar hoponko do go-baba upạrteko teṅgona arko gocʼ ocokoa.

Jirimiạ 20:10

Iń beṛhaete do ạḍitetʼge botorgea, ente niạko katha do ḍher hoṛge khae khoyetʼ kaniń ańjometʼkoa, “Uni ńutumte mamblae me; dela, uni ńutumte bon mamblae ma.” Ińren sanam gateko do ińiń leńjetʼ bhindạṛokʼ reakʼ ńel horrege menakʼkoa, “Hoedaṛeakʼa uni bon ṭhoka daṛeaea, ar uni cetanre bon jitạukʼa arbon hala hạli daṛeakʼa.”

Kạhtukko 18:24

Okoeren aema gate menakʼko uniyakʼ jarkhar do ḍherge hoe botecʼjokʼtaea, menkhan nonkan gate menakʼkoa okoe do boeha khon hõ ḍhere pạtiạrge.

2 Samuel 16:23

Onako dinre Ahitophelakʼ sopolha do Isor emakʼ sopolha menteko hudisetʼ tahẽkana. Dạud ar Absalom hõ Ahitophelakʼ sopolha do onkage kin hudisetʼ tahẽkana.

Genesis 40:23

Menkhan uni darkha rasa dudulicʼ do Josephakʼ ona katha doe hiṛińkeda; ar bae disạleda.

Jobakʼ 19:15

Ińren peṛa ar kạ̃ṛmĩko do iń bako orom akadińạ; onko do bidisiạ hoṛ lekako ńeleńkana.

Jobakʼ 19:19

Ińren sanam gateko do ińko hirkhạwạń kana; ar ińiń dulạṛetʼko tahẽkan hoṛ hõ iń upạrteko teṅgonkana.

Rak̕joṅ 1:2

Uni do ạyupʼ jokhecʼ ạḍiye rakʼetʼ kana, mẽtʼ dakʼte johakine lohotʼetʼtaea. Acʼren dulạṛiạko modren uniyakʼ jiwi raṛejtae lạgitʼ do okoehõ bạnukʼkoa. Uniren gateko do jotoge uniko eṛeakadea; onko jotoge uniren bạiriko hoyakana.

Jobakʼ 42:11

Uniren boeha ar miserako okoe do laha khonko orom akade tahẽkan onko sanamkoge uniyakʼ oṛakʼre hecʼkateko jom ńukeda. Ar Probhu Isor do uni cetanre okako duke ạguketʼ ona lạgitʼ jiwi raṛecʼko emadea. Onko do mimitʼ hoṛ thoṛa thuṛi ṭaka poesa ar mimitʼ goṭecʼ sona mundạmko emadea.

Sereńko 31:12

Gocʼ hoṛ cetʼ lekako hiṛińokʼ onkage onko do ińko hiṛiń akadińạ; iń do rạputʼ bhajan lekań hoyakana.