Jobakʼ 18:18 - সান্তালী বাইবেল

¹⁸ Uni do marsal khon ńutteye pharak ocokʼa; ar dhạrti khon doe laga ńir ocokʼa.

Jobakʼ 18:18 Referans Kwoze

Jobakʼ 20:8

Kukmũ lekage uni doe oṭaṅokʼa, ar bae ńamokʼa; uni do ńindạ reakʼ chol lekageye laga ńir ocokʼa.

Jobakʼ 10:22

Ona do kaṛaṅ ńutakʼ disạm kana, moron dhund reakʼ disạmge; onḍe do marsal reakʼ rãtge bạnukʼa.”

Jihudạwakʼ ciṭhi 1:13

Noko do birbão talare jalapuri reakʼ ḍheoko leka kanako; ar jalapuri reakʼ photo leka nokoakʼ lajao paṛao kạmiko do capekʼ kana. Noko do ạcur baṛaekan ipil lekanako; jaejug lạgitʼ kaṛaṅ kucạṅ ńutge noko lạgitʼ do jogao dohoakana.

Daniel 5:21

Uni do manwa tala khone laga ńir ocoyente mitʼṭecʼ janwarakʼ sobhabe em ocoyena. Ar tinạkʼ din bae aṅgocletʼ, maraṅ Isorge manwakoakʼ rajosṭiko cetanren mạlik kanae ar uni okoeye kusiyae unige rajosṭiko cetanreye duṛupʼede kana, unạkʼ din uni do gadhako sãoteye girobas akan tahẽkana ar ḍaṅgra leka ghãskoe jometʼ tahẽkana ar coṭ reakʼ sisirdakʼteye lohodokʼ kan tahẽkana.

Daniel 4:33

Nebukadnesar reaṅ oka roṛlen unrege ona do purạuena. Manwako tala khon uni doe laga ńir ocoyena ar ḍaṅgra leka ghãs jojome ehopʼena. Ar uniyakʼ hoṛmo do sisirdakʼte lohodokʼ ehopʼentaea; uniyakʼ upʼko do pajhaṛ cẽṛẽakʼ il leka ar ramako do cẽṛẽkoakʼ rama leka hoyentaea.

Kạhtukko 14:32

Bedhoromicʼ do acʼakʼ bạṛicʼ kạmi iạteye ńurhạ ocokʼa, menkhan dhorom hoṛ do gujukʼre hõ as tahentakoa.

Jobakʼ 11:14

amre oka kại menakʼ onam sạṅgiń lekhan, ar bedhorom amakʼ oṛakʼre bam tahẽ ocowakʼ khan,

Jobakʼ 5:14

Siń marsalrege onko do ńut pheḍ hecʼako kana; ar tikin okte do ńindạ lekako hạtṛạu baṛaeyeda.

Jobakʼ 3:20

“Okoe dukre menakʼko, onko do cetʼ iạte marsalko ńameda ar cetʼ iạte haṛhatʼ jion hõ jiwiko ńameda?

Jobakʼ 18:11

Botor do uni beṛhaete tahena; ar taṛam pichạge ona doe khudạu baṛayea.

Jobakʼ 20:26

Uniyakʼ dhon lạgitʼ ńut doe ńel horetʼkana. Oka seṅgel manwa bako lagao akatʼ ona seṅgel do uniye ḍahao maraoea, ar uniyakʼ tạmburen sarecʼ sanamkoe utʼgotʼkakoa.

Jobakʼ 27:21

Purub reakʼ hoe do onkoe idikoa, ar onko doko calakʼa; onkoakʼ jaega khon ona hoe doe oṭaṅ idikoa.

Jobakʼ 27:23

Ona hoe do cigạriateye thayoya, ar onkoakʼ ṭhạ̃i khon sũ sũkateye laga oḍokkoa.

Jesaea 22:18

Uni do beṛhaete ghiriạ ạcurkate mitʼṭecʼ maraṅ okocʼ disạmreye lebda giḍikama. Onḍe dom gujukʼa, ar amakʼ napae napae rãt gạḍiko do doho akange tahena. Am do amren mạlikakʼ raj oṛakʼem besonot akada.

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.