Jobakʼ 18:17 - সান্তালী বাইবেল

¹⁷ Dhạrti khon uniyakʼ dikʼsạko do meṭaokʼtaea; kulhikore uniyakʼ ńutum do baṅ roṛogokʼa.

Jobakʼ 18:17 Referans Kwoze

Kạhtukko 10:7

Dhorom hoṛko reakʼ disạ do bhore ạguiya, menkhan bedhoromkoakʼ ńutum do sea giḍikʼa.

Sereńko 34:16

Okoe bạṛicʼakʼko kạmikan Probhu Isor do onko upạrteye teṅgona, jemon dhạrti khon onkoakʼ ńutum cabakʼtako.

Sereńko 109:13

Onkoren bõsko doko gocʼ ocokʼma; ar onkoren gidrạkoakʼ ńutum do mohor meṭaokʼma.

Kạhtukko 2:22

menkhan disạm khon bạṛicʼko doko kaman ocokʼa ar bepạtiạrko doko or totʼ giḍi ocokʼa.

Sereńko 83:4

Onkoko meneda, “Dela, jạtrenko bon marao cabakoa, jemon Israelakʼ ńutum aloko disạ dohoy.”

Jobakʼ 13:12

Apeakʼ disạwakʼ kathako do torocʼ reakʼ kạhtukge; apeakʼ aḍokʼ reakʼ pạcriko do hasa reakʼakʼge.

Jobakʼ 24:20

Eṅgat kukhi do onkoe hiṛińetʼkoa, ar tejoko do onkoakʼ hoṛmoko jometʼtakoa; bạṛicʼ hoṛ do okoehõ bako disạ dohokoa, onko do dare lekako rạputʼ ńurokʼa.

Sereńko 109:15

Onako do jao okte Probhu Isor samaṅre tahenma, jemon uni do dhạrti khon onkoakʼ disạ hõe maraotako.

Nạhum 1:14

E Niniwi, Probhu Isor do am reaṅe menetʼkana, “Amakʼ ńutum rukhiyại lạgitʼ amre cele hoṛge bako tahena. Amren debotakoakʼ mundilre oka boṅga muṭhạnko menakʼ onakoń marao giḍikakʼa. Ar ạḍitetʼem bạṛicʼgete amakʼ topań teartama.”

Sereńko 9:6

Ar bạiriko do jaejug lạgitʼko jarkharena; onkoakʼ nagrahako dom dhaṅdhaser akada; ar onkoakʼ ńutum sudhạ marao cabayentakoa.

Sereńko 41:5

Ińren bạiriko do ińakʼ bhageakʼ baṅkateko mena, “Uni do tinreye gujukʼa? Ar tinre uniyakʼ ńutum do cabakʼtaea?”

Jesaea 14:20

Am do eṭakʼ rapajko leka do bam topa ocokʼa, ente amakʼ disạm dom jarkhar akada ar amren hoṛkom khũn akatʼkoa. Bạṛicʼ bõsrenkoakʼ katha do artis hõ baṅ ńumogokʼa.

Jesaea 26:14

Gocʼ akanko do ar bako jiwedokʼa; onkoren jiu do ar bako beretʼa. Onko do sạjạikatem meṭao giḍi akatʼako; onkoakʼ disạ hõm marao akatʼtakoa.