Jobakʼ 18:16 - সান্তালী বাইবেল

¹⁶ Latarre uniyakʼ rehetʼko do rohoṛokʼkana ar cetanre uniyakʼ ḍạrko do gujukʼkana.

Jobakʼ 18:16 Referans Kwoze

Hosea 9:16

Ephrayim doe ńẽtʼ akana, onkoakʼ rehetʼ do rohoṛ akana, onare jo do baṅ sabokʼkana. Ar onkoren hoṛko do gidrạko janamlekore hõ iń do onkoren dulạṛiạ gidrạkoń gocʼ cabakoa.”

Malaki 4:1

Phạdkoren Probhu Isore meneda, “Ńelme, ona din hijukʼkana, ona do culhạ reakʼ seṅgel leka jolokʼa. Enhilokʼ sanam bạḍại hoṛko ar sasantaoko do lanḍha busupʼ lekako hoyokʼa arko lo torojokʼa. Mitʼṭecʼ rehetʼ se mitʼṭecʼ ḍạr hõ sarecʼ do baṅ tahena.

Amos 2:9

“E Israelren hoṛko, Amoriko do debdạru dare leka usul ar Elon dare leka daṛeanko tahẽkanre hõ enhõ onko Amoriko do ape samaṅregeń marao giḍiletʼkoa. Iń do onkoakʼ rehetʼ ar jo sudhạgeń maraoletʼtakoa.

Jesaea 5:24

Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Jobakʼ 15:30

Uni do ńut khon bae paskao oḍok daṛeakʼa; uni do nonkan dareko lekae hoyokʼa one ona reakʼ ḍạrko seṅgelte jhạ̃usạkʼ kan; Isorakʼ moca reakʼ sahẽtʼte uni doe oṭaṅokʼa.

Jobakʼ 29:19

Hudisetʼ tahẽkạnạń ińakʼ rehetʼ do dakʼ hạbicʼ seṭerokʼa, ińakʼ ḍạrko cetan reakʼ sisir dakʼ do goṭa ńindạge tahẽ aṅgakʼa.

Jobakʼ 15:32

Dinko ạurirege acʼakʼ kuṛại do purạteye ńama; uniyakʼ ḍạrko do ar baṅ sarhekʼtaea.

Jesaea 14:20

Am do eṭakʼ rapajko leka do bam topa ocokʼa, ente amakʼ disạm dom jarkhar akada ar amren hoṛkom khũn akatʼkoa. Bạṛicʼ bõsrenkoakʼ katha do artis hõ baṅ ńumogokʼa.

Jobakʼ 8:17

Ona reakʼ rehetʼ do dhiri ḍạṅ beṛhaete pasnao akana; ar dhiri talare mitʼṭecʼ nirại ṭhạ̃iye ńamakada.