Jobakʼ 16:9 - সান্তালী বাইবেল

⁹ Isor do ạḍitetʼe ghạl akadińạ edrete iń doe cirạ akadińạ; iń ńelteye togocʼ ḍaṭayetʼ kana; ar iń upạrte mẽtʼ jolokʼkantaea.

Jobakʼ 16:9 Referans Kwoze

Rak̕joṅ 2:16

Amren bạiriko do am upạrte mocako cahapʼ akada; onko doko landa dhudhutʼa ar togocʼ ḍaṭakateko mena, “Uni dole utʼ akadea. Niạ din lạgitʼgele koyokʼ hor akatʼ tahẽkana ar ona dole ńelkeda. ”

Sereńko 35:16

Hulạsokʼ jokhecʼ Isor bin botorae ṭiṭkạriko leka onko do iń upạrte togocʼ ḍaṭako ehopʼena.

Jobakʼ 13:24

Cedakʼ mẽtʼãhã dom danaṅ akatʼtama ar bạiri mentem hudis edeńkana?

Aposkạmi 7:54

Noako katha ańjomkate onko mukhiyạko do Stephan upạrte ạḍi bạṛicʼko raṅgaoena ar uni upạrteko togocʼ ḍaṭakeda.

Hosea 6:1

Dela, abo do Probhu Isor ṭhen bon ruạṛ calakʼa. Unigeye or cirạ akatʼbona, ar unigeye boge bona; unige abo doe ghạl akatʼbona, ar unige aboakʼ ghaokoe bedhaokata bona.

Sereńko 37:12

Isor botoraeko upạrte bạṛicʼ hoṛko do phundiko aṭaoa ar onko upạrte ḍaṭako keṭer meṭertakoa.

Jobakʼ 19:11

Iń upạrte uniyakʼ edre do jolokʼkana; acʼren mitʼṭecʼ bạiri menteye hudis edeńkana.

Jobakʼ 18:4

Am do raṅgaote jiwim cirạyetʼtama; am iạte cetʼ dhạrti do ujạṛokʼa? Se huṭupʼ dhiri do acʼakʼ ṭhạ̃i khon ucạṛokʼa?

Mikạ 7:8

E aleren bạiriko, aleakʼ gurokʼ ńelte alope rạskạkʼa. Alele ńurlenre hõ ale do arhõle beretʼ daṛeakʼgea. Ńutrele duṛupʼ tahẽlenre hõ Probhu Isor do aleren marsale hoyokʼa.

Hosea 5:14

Ephrayim ṭhen ar Jihudạ ṭhen do dhạcri kul lekageń hoyokʼa. Unkin doń or cirạkinạ ar kaṭra kuṭrạkateń bạgi oṭoạkinạ. Iń do unkiniń idikinạ ar unkin bańcaokin lạgitʼ do celege bako tahena.

Rak̕joṅ 3:10

Iń ṭhen uni do tãṛãkʼ akan bana leka ar danaṅre menae dhạcri kul lekanae;

Sereńko 50:22

“Okoe Isorpe hiṛiń akade ape do hudisokʼpe; ar baṅkhan iń doń or cirạpea, ar ape bańcaope lạgitʼ do cele hõ bako tahena.

Jobakʼ 13:27

Biṛi paṭate jaṅga dom tolkạtińkana; ińakʼ sanam horkorem tolas edeńkana ar ińakʼ jaṅga talka beṛhaetem simạwạńkana.

Jobakʼ 30:21

Am do ińre kurmutạha lekam beohareda; amakʼ daṛeakʼ tite am dom ghạl akadińạ.

Jobakʼ 33:10

Enhõ Isor do ińakʼ doskoe ńam bakʼṛakana; uni do acʼren bạiri menteye hudis edeńkana.

Jobakʼ 6:4

Sanam daṛeanicʼ reakʼ sar do ińre bitʼakana, ińakʼ jiwi do onako reakʼ bise jojom kana; Isorakʼ botoranakʼ kạmiko do iń upạrte sạr sạrte teṅgo akana.