Jobakʼ 15:34 - সান্তালী বাইবেল

³⁴ Isor baṅ botoraekan hoṛren do cele gidrạge bako tahena; onkoakʼ ghus reakʼ oṛakʼ duạr do seṅgelte maraokʼtakoa.

Jobakʼ 15:34 Referans Kwoze

Jobakʼ 8:13

Okoe Isorko hiṛińe onkoakʼ dosa do onkage hoyokʼa; okoe Isor bako botorae onkoakʼ as do onkage marao utạrokʼa.

Mikạ 7:2

Disạm khon Isor botorae kan hoṛ doko meṭao ocoakana; dhoromicʼ do mitʼ hoṛ hõ bạnugicʼan. Sanamkoge mãyãm joroy lạgitʼko tãṛãkʼ akana; onko jotoge akoakʼ pạsire jhạlikoko khojkana.

Jobakʼ 27:8

Isor do acʼ baṅ botoraekanko tinreye maraokoa, unre onko do cetʼ asge baṅ tahentakoa.

Jobakʼ 8:22

Okoe ińko hirkhạwạń onko doko lajao ocokʼa; bạṛicʼkoakʼ tạmbu do ar baṅ tahena.”

Mathae 24:51

Ar unre uni doe makʼ paṛagea ar phạsiạrako tulucʼ bakhrae niṭaea. Onḍe do rakʼjoṅ ar togocʼ ḍaṭa hoyokʼa.

Jobakʼ 36:13

“Isor baṅ botorae hoṛ do raṅgaoko dohoyeda; uniye tolleko khan hõ goṛo ńam lạgitʼ do bako guhera.

Jobakʼ 20:1

Unre Namathi Sophar do roṛ ruạṛketʼteye menkeda,

Jobakʼ 12:6

Luluṭkoakʼ tạmbure jãhãn gulmalge bạnukʼa; Onko do Isorko edre ocoyedere hõ khạtirjomako tahenkana; Isorge onko do jotowakʼe emako kana.

Jobakʼ 11:14

amre oka kại menakʼ onam sạṅgiń lekhan, ar bedhorom amakʼ oṛakʼre bam tahẽ ocowakʼ khan,

1 Samuel 12:3

Iń do nonḍege minạńa; ar iń upạrte apeakʼ jãhãnakʼ roroṛteakʼ menakʼtape khan enḍekhan Probhu Isor ar uniren ojokʼ bahal akan hoṛko samaṅrege roṛpe. Ar goha emokʼpe, okoeren ḍaṅgra se gadha behok lekateń hatao akadea mente? Ar jãhãe ṭhen khon ghus hataokate mocań bond akatʼ tińạ mente? Noako reakʼ jãhãṭakʼgeń kạmi akatʼ khan tobe khan ona reakʼ khuti puruniń emokʼa.”

1 Samuel 8:3

Menkhan unkin do ạkinren apattetʼ leka do bạkin calakʼkan tahẽkana. Unkin do behok secʼte dhon hameṭjoṅ reakʼ aste dhorom reakʼ horkin bạgiyatʼ tahẽkana. Unkin do ghus hataokate hok reakʼakʼ kin behok ocoyetʼ tahẽkana ar behok do hok reakʼ lekakin hoyocoyetʼ tahẽkana.

Jobakʼ 15:30

Uni do ńut khon bae paskao oḍok daṛeakʼa; uni do nonkan dareko lekae hoyokʼa one ona reakʼ ḍạrko seṅgelte jhạ̃usạkʼ kan; Isorakʼ moca reakʼ sahẽtʼte uni doe oṭaṅokʼa.

Jobakʼ 18:15

Uniyakʼ tạmbure apnarakʼ mente cetʼge baṅ tahentaea; uniyakʼ tahen ṭhạ̃ire jolokʼkan gondhok do chiṭiạukʼa.