Jobakʼ 15:30 - সান্তালী বাইবেল

³⁰ Uni do ńut khon bae paskao oḍok daṛeakʼa; uni do nonkan dareko lekae hoyokʼa one ona reakʼ ḍạrko seṅgelte jhạ̃usạkʼ kan; Isorakʼ moca reakʼ sahẽtʼte uni doe oṭaṅokʼa.

Jobakʼ 15:30 Referans Kwoze

Jobakʼ 4:9

Isorakʼ sahẽtʼte onko doko marao utạrokʼa ar uniyakʼ edre reakʼ oṅteko mohor meṭao utạrokʼa.

Jobakʼ 20:26

Uniyakʼ dhon lạgitʼ ńut doe ńel horetʼkana. Oka seṅgel manwa bako lagao akatʼ ona seṅgel do uniye ḍahao maraoea, ar uniyakʼ tạmburen sarecʼ sanamkoe utʼgotʼkakoa.

Jobakʼ 15:22

Uniyakʼ jãhãn asge bạnukʼtaea, ńut khone dạṛ pạnḍuja mente; uni lạgitʼ do botoranakʼ gujukʼge ṭhik dohoakana.

Johan sodor 19:15

Sanam jạtrenko jemone ḍanṭao daṛeako ona lạgitʼ uniyakʼ moca khon mitʼṭecʼ laser tarwaṛe do oḍokokʼ kan tahẽkana. Uni do mẽṛhẽtʼ reakʼ ṭheṅgate sanam jạtrenkoe ḍanṭaokoa ar darkha jo do lelen kunḍre jaṅgateye lena. Noa darkha lelen kunḍ do hoyokʼ kana sanam daṛeyicʼ Isorakʼ botoranakʼ edre.

Jihudạwakʼ ciṭhi 1:13

Noko do birbão talare jalapuri reakʼ ḍheoko leka kanako; ar jalapuri reakʼ photo leka nokoakʼ lajao paṛao kạmiko do capekʼ kana. Noko do ạcur baṛaekan ipil lekanako; jaejug lạgitʼ kaṛaṅ kucạṅ ńutge noko lạgitʼ do jogao dohoakana.

2 Patras 2:17

Noko hoṛ do ańjedokʼkan jharna ar hoete oṭanokʼkan kuṛhạ lekanako. Noko lạgitʼ do kaṛaṅ kucạṅ ńut dohoakana.

Mathae 25:41

“Tayomte uni do acʼakʼ leṅga secʼren hoṛkoe metakoa, ‘E sarapanko, iń ṭhen khon sạṅgińokʼpe. Soetan ar uniren celako lạgitʼ tearakan jaejug seṅgelre calakʼpe.

Mathae 22:13

Unre raj do acʼren gutikoe metatʼkoa, ‘ti jaṅgare tolepe ar bahre ńutre giḍikaepe. Onḍe do rakʼjoṅ ar togocʼ ḍaṭa hoyokʼa.’ ”

Mathae 8:12

Menkhan rajosṭiren hoponko do bahre ńutreko giḍi ocokʼa. Onḍe do rakʼjoṅ ar togocʼ ḍaṭa hoyokʼa.”

Jesaea 30:33

Ente jolokʼkan jaega do laharege tear ṭhik akana; ona do raj lạgitʼ sapṛao akana. Ona jaega do khạndri ar osarge benao akana, ar onare seṅgel lạgitʼ ḍher sahanko menakʼa. Probhu Isorakʼ sahẽtʼ do jolokʼkan gondhok ạtukʼ leka onare seṅgele jereda.

Jesaea 11:4

Menkhan reṅgecʼko do hok reakʼe bicạr takoa, ar dhạrtiren mạ̃hirkoakʼ do dhorom seletʼe phanḍaotakoa. Uni do acʼakʼ moca ṭheṅgate dhạrtirenkoe ńẽtʼkoa, ar bạṛicʼ hoṛko do acʼakʼ sãhetʼteye gocʼkoa.

Jobakʼ 22:20

‘aleren bạiri do sạrigeko marao akana, onkoakʼ dhon durib do seṅgelte ḍahao marao akantakoa.’

Jobakʼ 18:18

Uni do marsal khon ńutteye pharak ocokʼa; ar dhạrti khon doe laga ńir ocokʼa.

Jobakʼ 5:14

Siń marsalrege onko do ńut pheḍ hecʼako kana; ar tikin okte do ńindạ lekako hạtṛạu baṛaeyeda.

Jobakʼ 15:23

Uni do jomakʼ sendare lạgitʼe ạcur baṛaea are kulijoṅa ona do okare menakʼa mente. Uni doe baḍaekana, ńut reakʼ din do sor akantaea.

Jobakʼ 15:34

Isor baṅ botoraekan hoṛren do cele gidrạge bako tahena; onkoakʼ ghus reakʼ oṛakʼ duạr do seṅgelte maraokʼtakoa.

Jobakʼ 18:16

Latarre uniyakʼ rehetʼko do rohoṛokʼkana ar cetanre uniyakʼ ḍạrko do gujukʼkana.

Jobakʼ 31:12

Ona kại do nonkan seṅgel kana oka do Sheol hạbicʼ jolokʼkan, ona do ińakʼ jotowakʼe ḍahao maraoetʼkana.

Hosea 6:5

Ona iạte ińren nạbiko hotete ape doń getʼ khanḍa khunḍi akatʼpea, ińakʼ moca reakʼ kathateń gocʼakatʼpea; ińakʼ bicạr reakʼ ray do ape cetanre bijli leka malkao rakapʼ akana.