Jobakʼ 15:21 - সান্তালী বাইবেল

²¹ Uniyakʼ luturre do torasge bajaokʼkana; ar jotowakʼge mońjge calakʼkana mente tireye hudisa unre luluṭko do uni cetanre jhãpko ema.

Jobakʼ 15:21 Referans Kwoze

Jobakʼ 18:11

Botor do uni beṛhaete tahena; ar taṛam pichạge ona doe khudạu baṛayea.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.

Levitikus 26:36

Aperen okoe do bạirikoakʼ disạmre jiwetʼko tahen onkoakʼ ontorre nonkan botor iń caṛhao ocoya, onko do hoete sakam reakʼ saḍeko ańjomlere hõ botorteko ńir pharakokʼa. Lạṛhại botorte cetʼleka manwako ńir pharakokʼ onkage onko hõko ńirjoṅa. Ar bako lagalekore hõ onko doko ńir pharakokʼa arko tohotʼ bhindạṛokʼa.

1 Korinthiko 10:10

Onko modre ạḍi hoṛgeko karacʼ kurucʼlente cetʼleka nonosṭoyicʼ goḍet hoteteko marao ocolen, ape do onaka alope karacʼ kurujokʼa.

Johan sodor 9:11

Ar athan kunḍren goḍetge noko pohokoren raje tahẽkana. Ibri pạrsite uni goḍetakʼ ńutum do tahẽkana Abaddon, ar Greek pạrsite do Appoluon, metakʼme ḍahao maraoicʼ.

Sereńko 92:7

Bedhorom hoṛko do ghãs lekako hara rakabokʼ kana ar dusṭạmi kạmikanko do usạrateko phulạukʼ kana enhõ onko do jaejug lạgitʼko marao utạrokʼa.

Jobakʼ 27:20

Banbạsi leka botor do onkoe esetʼ ạcuretʼkoa, ńindạ reakʼ birbão hoe hõ onkoe oṭaṅ idikoa.

2 Rapajko 7:6

Probhu Isor do rãt gạḍi, sadomko, ar maraṅ mitʼ dol lạṛhại phạdkoakʼ sabad Aramrenkoe ańjom ocoketʼkoa. Onate Aramren lạṛhại phạdko do ako akoreko mepenena, “Ńelpe, Israelren raj do abore jhãp em lạgitʼ Hittiren raj ar Misorren rajkine bhaṛa ạguakatʼkinạ.”

Jobakʼ 15:24

Gạr ar harkhet dokin botor ocoyedea ar daṛeanicʼ rapaj leka unire jhãp em lạgitʼkin sapṛao akana,

Jobakʼ 18:14

Uniye bhorsakʼkan tạmbu khon do or totʼkateye giḍi ocokʼa; ar torasren rapaj ṭhene idi ocokʼa.

Jobakʼ 20:21

Jom leka do cetʼge sarecʼ baṅ tahentaea; uniyakʼ kisạ̃ṛtetʼ do ar baṅ ṭambhaokʼtaea.

Jobakʼ 22:10

Ona iạte pạsi do am beṛhaetege oḍao menakʼa, ar ackage toras doe keklesetʼ ocomea,

Jobakʼ 24:17

Onko lạgitʼ setakʼ do kaṛaṅ kucạṅ ńut kana; ar kaṛaṅ ńut do onkoren gatege.

Kạhtukko 10:24

Bedhorom hoṛ do okako botorakʼ onaregeko paṛaokʼa, menkhan Isor botoraekoakʼ khojogokʼa do purunokʼtakoa.

Ester 7:6

Estere menkeda, “Uni dusṭạmi bạiri do nui Hamange.” Unre Haman do raj ar rạni samaṅre ạḍiye botorena.

Kạhtukko 28:1

Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.

Jirimiạ 6:26

E ińren hoṛko, gõṛẽ kicricʼ horogpe ar torocʼre kunḍlạṅ baṛaepe. Sadher hoponakʼ gujukʼre cetʼleka hoṛko homor halaṅ onkage homor halaṅpe, ente jarkharicʼ do acʼkage abo cetanreye hijukʼa.